गांव के विकास बर गांव ल दे गीस पेसा कानून अधिकारः मंत्री श्री कवासी लखमा

जगदलपुर, पेसा अधिनियम 1996 म एक दिवसीय संभाग स्तरीय परिचर्चा के आयोजन सुकरवार के जगदलपुर स्थित पंडित श्यामाप्रसाद मुखर्जी सभागार म करे गीस। ये बेरा म प्रभारी मंत्री श्री कवासी लखमा ह कहिन कि गांव के विकास बर गांव ल दे गए अधिकारे ह पेसा ये। उमन कहिन कि छत्तीसगढ़ म लागू पेसा कानून के प्रावधान देश के आन राज्य मन के अपेक्षा बहुत बेहतर हे, काबर कि ए प्रावधान मन ल तय करत समय कई ठन समुदाय के संग जनप्रतिनिधि मन के राय घलोक लेहे गए रहिस। मुख्यमंत्री श्री भूपेश बघेल आदिवासी समाज के उत्थान बर तेजी से काम करत हे अऊ इही कारण हे कि उमन पेसा कानून के प्रावधान निरधारित करे के काम ल प्राथमिकता देहे हें।
ये बेरा म संसदीय सचिव श्री रेखचंद जैन, हस्तशिल्प विकास बोर्ड के अध्यक्ष श्री चंदन कश्यप, बस्तर क्षेत्र आदिवासी विकास प्राधिकरण के उपाध्यक्ष सर्व श्री विक्रम शाह मंडावी, संतराम नेताम, चित्रकोट विधायक श्री राजमन बेंजाम, अंतागढ़ विधायक श्री अनूप नाग, सर्व आदिवासी समाज के संभागाध्यक्ष श्री प्रकाश ठाकुर संग जनप्रतिनिधि उपस्थित रहिन।