- राज्यपाल ल कांग्रेस विधायक दल ह ज्ञापन सौंपिस
रायपुर, राज्यपाल सुश्री अनुसुईया उइके ले आज राजभवन म विधायक श्री मोहन मरकाम के नेतृत्व म कांग्रेस विधायक दल के प्रतिनिधिमण्डल ह भेंट करिस अऊ सारकेगुड़ा मुठभेड़ के संबंध म ज्ञापन सौंपिन। प्रतिनिधिमण्डल ह हरेक प्रभावित परिवार ल 20 लाख रूपिया मुआवजा, परिवार के एक सदस्य ल शासकीय नौकरी अऊ दोषी मन उपर कार्यवाही के मांग करिन। राज्यपाल ह प्रतिनिधिमण्डल ल जरूरी कार्यवाही करे बर आश्वस्त करिन।
राज्यपाल ह विधायक मन ले कहिन कि ओ मन अपन विधानसभा क्षेत्र म 5वीं अनुसूची के प्रावधान अऊ पेसा कानून के विशेष रूप ले ध्यान रखव अऊ ओखर क्रियान्वयन सुनिश्चित करव। संगेच ये देखव कि आम जनता ल इंकर प्रावधान मन के लाभ मिलय। सुश्री उइके ह कहिन कि ओ मन जल्दीच पांचवी अनुसूची के अन्तर्गत अवइया क्षेत्र मन के दौरा करहीं अऊ आमजन मन के समस्या मन ले अवगत होहीं। ये बेरा म आबकारी मंत्री श्री कवासी लखमा, महिला अउ बाल विकास मंत्री श्रीमती अनिला भेड़िया, विधायकगण सर्वश्री श्री लखेश्वर बघेल, श्री खेलसाय सिंह, श्री संतराम नेताम, श्री विक्रम शाह मंडावी, श्री बृहस्पति सिंह, डॉ. प्रीतम राम, श्री इंदरशाह मंडावी, श्री अनूप नाग, श्री शिशुपाल सोरी, श्री राजमन बेंजाम अऊ श्रीमती लक्ष्मी ध्रुव, श्रीमती देवती कर्मा उपस्थित रहिन।
