सुशासन दिवस के अवसर म नालंदा परिसर म शुभारंभ करहीं मुख्यमंत्री
पूर्व प्रधानमंत्री भारत रत्न स्वर्गीय श्री अटल बिहारी वाजपेयी के छत्तीसगढ़ ले जुड़े सुरता मन के संबंध म अउ प्रधानमंत्री श्री नरेंद्र मोदी के सियानी म सुरू करे गए जनकल्याणकारी योजना मन के होही झलक
रायपुर, 24 दिसंबर, 2023/ मुख्यमंत्री श्री विष्णु देव साय नालंदा परिसर म सोमवार के छायाचित्र प्रदर्शनी के शुभारंभ करहीं। 25 दिसंबर ले 31 दिसंबर तक चलइया ये प्रदर्शनी म छत्तीसगढ़ राज्य के बनइया अउ भारत के पहिली प्रधानमंत्री भारत रत्न स्व श्री अटल बिहारी वाजपेयी के छत्तीसगढ़ ले जुड़े सुंदर सुरता ल संजोत अऊ प्रधानमंत्री श्री नरेंद्र मोदी के सियानी म विकसित होत छत्तीसगढ़ म केंद्र सरकार के लोककल्याणकारी योजना मन के झलकी होही।
प्रदर्शनी के आयोजन जनसंपर्क विभाग कोति ले करे जात हे। ये मां अटल जी के कार्यकाल के उल्लेखनीय उपलब्धि अऊ छत्तीसगढ़ ले जुड़े ऊंखर प्रवास के दुर्लभ छायाचित्र मन ल देखाय जाही। प्रधानमंत्री श्री नरेंद्र मोदी के सियानी म केंद्र सरकार के बहुत अकन इंफ्रास्ट्रक्चर प्रोजेक्ट छत्तीसगढ़ म सुरू होए हे जेकर से छत्तीसगढ़ विकास के दिशा म तेजी ले आगू बढ़त हे। प्रदर्शनी म एकर अवलोकन घलोक करे जा सकही। संगेच प्रधानमंत्री श्री मोदी कोति ले सुरू करे गए जनकल्याणकारी योजना मन ल घलोक एमा प्रदर्शित करे गए हे जेकर लाभ उठाके छत्तीसगढ़ समृद्धि कोति आगू बढ़त हे।
