- फोटो प्रदर्शनी देखे मनखे मन के उमडि़स भीड़
- शासकीय योजना मन ले सम्बंधित ब्रोसर, जनमन संग कई पाम्पलेट के करे गीस वितरण
- प्रदर्शनी के माध्यम ले शासकीय योजना मन के मिलत हे परखर जानकारी
जशपुरनगर, छत्तीसगढ़ राज्योत्सव के अवसर म जिला के रणजीता स्टेडियम म आयोजित एक दिवसीय राज्योत्सव कार्यक्रम म जनसंपर्क विभाग कोति ले छायाचित्र प्रदर्शनी सह जागरूकता शिविर के आयोजन करे गए हे। जेमां प्रदेश सरकार के सबो महत्वाकांक्षी, लाभदायक जनहितकारी योजना मन के जानकारी अऊ उपलब्धि मन के प्रदर्शन बर आकर्षक फोटो प्रदर्शनी लगाए गीस। ये फोटो प्रदर्शनी ल देखे बर गांव वाले मन अऊ नगरवासी मन के भीड़ लगे रहिस। ये बेरा म जनसंपर्क संचालनालय रायपुर कोति ले हर महिना प्रकाशित होवइया जनमन पत्रिका, किसान मार्गदर्शिका, कोरोना गाइडलाइन, प्राकृतिक सौंदर्य ले भरपूर-जशपुर ब्रोशर, संग आन कई प्रकार के ब्रोशर जनसामान्य ल वितरित करे गीस।
कलेक्टर श्री रितेश कुमार अग्रवाल के मार्गदर्शन म जनसंपर्क विभाग कोति ले शासकीय योजना अऊ कार्यक्रम मन के जानकारी दे बर छायाचित्र प्रदर्शनी के आयोजन तको करे गीस। शिविर म अभिनव योजना मन ल फ्लेक्सी बोर्ड के माध्यम ले प्रदर्शित करे गए रहिस। जेखर अंतर्गत छत्तीसगढ़ शासन के सुराजी योजना नरवा, गरवा, घुरवा, बारी के अलावा डॉ खूबचंद बघेल सहायता योजना, मुख्यमंत्री सुपोषण अभियान ,मुख्यमंत्री हाट बाजार क्लीनिक योजना, कुपोषण, गरीबी अऊ बेरोजगारी, अशिक्षा ल दूर करे बर प्रदेश सरकार कोति ले चलाये जात योजना मन सामिल हे। संगेच जिला म होत नवाचार, मानव तस्करी के रोकथाम बर संचालित जन जागरूकता अभियान, खेती किसानी ल बढ़ावा देहे बर करे जात प्रयास के संगेच प्रसिद्ध पर्यटन स्थल अऊ धार्मिक स्थल मन के घलोक फोटो प्रदर्शित करे गीस।
प्रदर्शनी म कुनकुरी के श्री पी.से.जायसवाल, मनोरा विकासखण्ड के सरडीह निवासी श्री मुकेश कुमार, घोलेंग के श्री देवलाल राम, जशपुर के श्री नोवेल कुजूर, सिटोंगा के खबियानुस, कई ठन स्व-सहायता समूह के महिला, आंगनबाड़ी कार्यकर्ता, कई ठन अधिकारी कर्मचारी संग बड़ी संख्या म आम नागरिक मन ह फोटो प्रदर्शनी के अवलोकन करिन अऊ शासन के जनकल्याणकारी योजना मन के जानकारी लीन।
