बगिया, अड़बड़ दिन ले सड़क बनवाए के मांग करत गांव वाले मन ल बड़ राहत मिले हे। मुख्यमंत्री श्री विष्णुदेव साय के संवेदनशीलता अऊ पहल फोटकोसेमर सजापानी केंदापानी ले कर्राडांड होत दुलदुला तक 5 किलोमीटर लंबा मार्ग के निर्माण बर 5 करोड़ 84 लाख रूपिया के स्वीकृति देहे गए हे।
अब ए सड़क के बन जाय ले आवागमन सुगम होही संगेच शिक्षा, स्वास्थ्य अऊ व्यापार जइसे बुनियादी सुविधा मन तक पहुंच घलोक आसान होही। गांव वाले मन ह बताइन बरसात के दिन म चिखला अऊ गड्ढा मन के सेती आवाजाही अड़बड़ कठिन हो जात रहिस। स्कूल, अस्पताल अऊ बाजार तक पहुंचे म भारी दिक्कत के सामना करना परत रहिस।
स्थानीय मनखे मन के कहना हे के सड़क बन जाय ले कर्राडांड, केंदापानी अऊ आसपास के कई गांव सीधा विकासखंड मुख्यालय दुलदुला ले जुड़ जाही। एखर से किसान मन ल अपन उपज बाजार तक ले जाय अऊ उचित मूल्य प्राप्त करे म सुविधा होही। गांव वाले मन ह विश्वास जताइन के निर्माण काम जल्दी शुरू होही अऊ समय म पूरा करे जाही, ताकि मनखे लउहे बेहतर सड़क सुविधा के लाभ ले सकंय।
ग्रामवासी मन ह मुख्यमंत्री श्री विष्णुदेव साय ल धन्यवाद ज्ञापित करत कहिन के कइ बछर ले लंबित ये मांग पूरा होए ले पूरा क्षेत्र म विकास के नवा अध्याय शुरू होही। बगिया स्थित मुख्यमंत्री निवास पहुंचके गांव वाले मन ह उंखर आभार व्यक्त करिन।
5.84 करोड़ के लागत ले बनही दुलदुला रोड, गांव वाले मन के कइ बछर जुन्ना मांग होइस पूरा
