राजधानी म तलाकशुदा लोकगायिका के शारीरिक शोषण, आरोपी होइस गिरफ्तार

रायपुर, 31 जुलाई 2020। प्रदेश के राजधानी रायपुर म एक लोक गायिका ल बिहाव के प्रलोभन देके शारीरिक संबंध बनाये के मामला आगु आये हे। अब जब युवक बिहाव करे ले मना करत हे त महिला ह पुलिस म शिकायत दर्ज करवाये हे। पुलिस ह बलात्कार जइसे गंभीर धारा म अपराध दर्ज कर आरोपी ल गिरफ्तार करे हे। राजातालाब निवासी 39 वर्षीय पीड़िता के अनुसार बालोद के रहने वाला आरोपी लोमेंद्र दास मानिकपुरी ले ओखर मुलाकात माना म एक कार्यक्रम के बेरा होय रिहिस, जेखर बाद आरोपी लगातार ओखर कार्यक्रम म पहुंचे लगिस अउ जान-पहिचान बढ़ाइस। लोक गायिका ह आरोपी ल बताये रिहिस कि वो तलाकशुदा हे, अउ ओखर एखर पहली दू घाव बिहाव होय रिहिस। एखर बाद घलो महिला ले उम्र म 10 साल कम आरोपी बिना कोनो आपत्ति के ओखर मांग म सिंदूर भर महिला के संग एक किराया के मकान म रहे लगिस। ये दौरान वो लगातार शारीरिक संबंध घलो बनाइस लेकिन अब युवक विधि अनुसार बिहाव बर मना करत हे, जेखर बाद महिला ह पुलिस ले शिकायत करिन।