रायपुर, 03 जुलाई 2021। मुख्यमंत्री श्री भूपेश बघेल ह बिहनिया इहां अपन निवास कार्यालय ले भिलाई के नेहरू नगर म अत्याधुनिक सुविधा ले लेस फिजियोथेरेपी सेंटर के वर्चुअल शुभारंभ करिस। मुख्यमंत्री ह ये बेरा म ये सेंटर के संचालक श्री अविनाश कुशवाहा संग उपस्थित सबो मनखे मन ल बधाई अऊ शुभकामना दीस। मुख्यमंत्री ह कहिन कि फिजियोथेरेपी के महत्व अस्पताल ले लेके खेल के मैदान तक हे। कोरोना काल म ऑक्सीजन के कमी के समय फिजियोथेरेपी ले मरीज मन ल काफी मदद मिले हे। मुख्यमंत्री ह कहिन कि ये सेंटर म उपलब्ध अत्याधुनिक सुविधा के लाभ दुर्ग अऊ भिलाई के नागरिक मन ल मिलही। ये बेरा म कृषि अऊ जल संसाधन मंत्री श्री रविन्द्र चौबे, मुख्य सचिव श्री अमिताभ जैन घलोक उपस्थित रहिन।
मुख्यमंत्री श्री भूपेश बघेल ह अत्याधुनिक फिजियोथेरेपी सेंटर के करिस शुभारंभ
