मुख्यमंत्री ह विशेष पिछड़ी जनजाति मन ले जुड़े कॉफी टेबल बुक के करीन विमोचन

रइपुर, 09 अगस्त 2021 सम्मार। विश्व आदिवासी दिवस के बेरा म मुख्यमंत्री दाउ भूपेश बघेल आज अपन घर म होवइया अर्चुअल कार्यक्रम म आदिम जाति अनुसंधान अउ प्रशिक्षण संस्थान (TRI) कोति ले तियार राज्य के विशेष पिछड़ी जनजाति उपर आधारित कॉफी टेबल बुक के विमोचन करीन।
ये कॉफी टेबल बुक म छत्तीसगढ़ राज्य म रहइया अबुझमाड़िया, बैगा, बिरहोर, कमार अउ पहाड़ी कोरवा विशेष पिछड़ी जनजाति मन ले जुड़े अबड़ कन उपयोगी जानकारी संघेरे गे हवय। येमे ये जनजाति मन के जनसंख्या, लिंगानुपात, शैक्षणिक स्थिति, उन्कर विकास बर गठित अभिकरण-प्रकोष्ठ, ओमा भूमिधारिता, वन अधिकार मान्यता पत्र धारक परिवार मन के जनकारी के संग-संग उन्कर सामाजिक-सांस्कृतिक अउ आर्थिक पहलु जइसे उन्कर सामाजिक संरचना, ग्राम बसाहट, भौतिक संस्कृति, आर्थिक जीवन, जीवन संस्कार, परंपरागत न्याय व्यवस्था अउ उनमन म विकास अउ परिवर्तन जइसन बिन्दु मन के आकर्षक ढंग ले प्रस्तुतीकरण करे गे हवय।
ये बेरा म मुख्यमंत्री घर म गृहमंत्री श्री ताम्रध्वज साहू, खाद्य मंत्री श्री अमरजीत भगत, अनुसूचित जाति अउ जनजाति विकास मंत्री डॉ. प्रेमसाय सिंह टेकाम, वन मंत्री श्री मोहम्मद अकबर, संसदीय सचिव श्री द्वारिकाधीश यादव, मुख्यमंत्री के सलाहकार श्री राजेश तिवारी, मुख्यमंत्री के अपर मुख्य सचिव श्री सुब्रत साहू, प्रधान मुख्य वन संरक्षक अउ वन बल प्रमुख श्री राकेश चतुर्वेदी संग बड़का प्रशासनिक अधिकारी संघरीन।