बराती मन ले भरे पिकअप अनियंत्रित होके पलटीस, पांच सवारी गंभीर

पेंड्रा, 10 अप्रैल 2021। गौरेला थाना क्षेत्र म बाराती मन ले भरे पिकअप वाहन अनियंत्रित होके पलटगे, जेमां बइठे 5 लोगन ल गम्भीर चोट पहुंचे हे. सबो घायल मन ल इलाज बर जिला अस्पताल म भर्ती कराये हे. गौरेला पुलिस मामला के जांच म जुटगे हे.
गौरेला पुलिस ल सूचना मिलिस कि निवासखार (अचानकमार) ले गौरेला के आमानाला (ठाड़पथरा) बराती मन ले भरे पिकअप अनियंत्रित होके दुर्घटनाग्रस्त होगे हे, जेमां सवार कुछ लोगन ल मामूली चोट त 5 लोगन गंभीर रूप ले घायल हे.
सूचना मिले के तत्काल बाद पुलिस के संग सामाजिक संस्था हॉस्पिटल ब्लड मेडिसिन के टीम घलो तत्काल सक्रिय होके घटना स्थल पहुंचिस, अऊ घायल मन ल लेके तत्काल जिला अस्पताल लाये गीस. अस्पताल म सबो घायल मन के इलाज जारी हे. फिलहाल, गौरेला पुलिस मामला के जांच म जुटगे हे.