अंबिकापुर, 8 दिसम्बर 2020। सरगुजा के धौलपुर थाना क्षेत्र म बीते रात बाराती मन ले भरे एक पिकअप अनियंत्रित होके दुर्घटनाग्रस्त होगे. पिकअप के पलटे ले 4 लोगन के मउत होगे. हादसा म गंभीर रूप ले घायल लोगन ल अम्बिकापुर मेडिकल अस्पताल म भर्ती कराए गए हे.
एएसपी ह बतइस कि, थाना धौरपुर अंतर्गत बरडीह के ग्रामीण बिहाव समारोह म एक पिकअप म सवार होके सेमरडीह गए रिहिस. बाराती मन ले भरे पिकअप लहुटत बेरा बरडीह के तिर बाइक सवार ल बचाए के सेती अनियंत्रित होके पलटगे. घटना के दौरान कुल 4 लोगन के मउत होगे. जेमां 2 पुरुष 1 लइका अऊ 1 लड़की शामिल हे.
पिकअप म कुल 11 लोगन सवार रिहिस. पिकअप गांव के ही रुद्रनारायण चलावत रिहिस. घायल मन ल अंबिकापुर मेडिकल कॉलेज अस्पताल म रात करीब 2 बजे भर्ती कराए गिस, जिहां उंखर इलाज चलत हे.