मुख्यमंत्री ह छत्तीसगढ़ी लोक संगीत के पुरोधा श्री खुमान साव के पुण्यतिथि म ओ मन ल करिन नमन

रायपुर, 09 जून 2024। मुख्यमंत्री श्री विष्णुदेव साय ह छत्तीसगढ़ी लोक संगीत के पुरोधा स्वर्गीय श्री खुमान साव के पुण्यतिथि म ओ मन ल नमन करे हें। श्री साय ह खुमान साव जी के सुरता करत कहिन कि श्री साव ह ‘चंदैनी गोंदा‘ के माध्यम ले छत्तीसगढ़ी लोक कला ल संवारे म अपन पूरा जीवन लगा दीन। लोक कला के सेवा बर ओ मन ल राष्ट्रीय स्तर म संगीत नाटक अकादमी पुरस्कार ले घलोक सम्मानित करे गीस। मुख्यमंत्री ह कहिन कि कलाकार कभू दुनिया ले विदा नइ लेवय भलुक, अपन कला के माध्यम ले ओ मन हमेशा हमार दिल म जिंदा रहिथें।