मुख्यमंत्री श्री भूपेश बघेल ह मुख्यमंत्री वृक्षारोपण प्रोत्साहन योजना के मार्गदर्शिका अऊ ब्रोशर के विमोचन करिन

रायपुर, 8 जुलाई 2021। मुख्यमंत्री श्री भूपेश बघेल ह आज इहां अपन निवास कार्यालय म मुख्यमंत्री वृक्षारोपण प्रोत्साहन योजना के मार्गदर्शिका अऊ ब्रोशर के विमोचन करिन। श्री बघेल ह ये बेरा म आयोजित बैठक म वन, गृह अउ पर्यावरण विभाग के काम मन के समीक्षा करिन। बैठक म वन अउ जलवायु बदलाव मंत्री श्री मोहम्मद अकबर, संसदीय सचिव श्री शिशुपाल सोरी, मुख्य सचिव श्री अमिताभ जैन, गृह अउ पर्यावरण विभाग के अपर मुख्य सचिव श्री सुब्रत साहू, प्रमुख सचिव वन श्री मनोज कुमार पिंगुआ, मुख्यमंत्री के सचिव श्री सिद्धार्थ कोमल सिंह परदेशी, प्रधान मुख्य वन संरक्षक अउ वन बल प्रमुख श्री राकेश चतुर्वेदी, प्रबंध संचालक, छत्तीसगढ़ राज्य छोटे वनोपज संघ श्री संजय शुक्ला, पीसीसीएफ (वन्यप्राणी) श्री पी.व्ही. नरसिंहराव, पीसीसीएफ वन विकास निगम श्री पी. से. पाण्डेय, पीसीसीएफ वन अनुसन्धान श्री अतुल शुक्ला उपस्थित रहिन।