रायपुर, 13 जुलाई 2020। नगरीय प्रशासन अऊ श्रम मंत्री डॉ. शिवकुमार डहरिया ह आज जिला रायपुर विकासखण्ड अभनपुर अंतर्गत ग्राम सलोनी म एक हजार पौधारोपण कार्यक्रम म सामिल होके नवनिर्मित ऑक्सीजोन म अपन माता-पिता के स्मृति म मौलश्री के पौधरोपण करिन। ये मौका म मंत्री डॉ. डहरिया के धर्मपत्नी श्रीमती शकुन डहरिया विशेष रूप ले उपस्थित रहिन। मंत्री डॉ. डहरिया ह अपन माता स्वर्गीय श्रीमती गोदावरी देवी के स्मृति म अऊ उंखर पत्नी श्रीमती शकुन डहरिया ह पिता स्वर्गीय श्री आशाराम डहरिया के स्मृति म मौलश्री के पौधा रोपण करिन। मंत्री डॉ. डहरिया ह ये मौका म सलोनी म सामुदायिक भवन निर्माण के घोषणा करिन। ग्राम सलोनी म नव निर्मित ऑक्सीजोन म पौधरोपण के कार्यक्रम रायपुर ब्राइट फाउंडेशन, महाराष्ट्र मंडल, रोटरी क्लब अऊ प्रगतिशील सेन महासभा के संयुक्त तरफ ले म आयोजित करे गए रहिस।
ये बेरा म ब्राइट फाउंडेशन के अध्यक्ष श्री प्रदीप गोविंद शितुत, महासचिव डॉक्टर मनोज ठाकुर, प्रवक्ता श्री चेतन चंदेल, श्री योगेश चौहान जिला पंचायत सदस्य सौदागर सोनकर, सलोनी के सरपंच श्री प्रसाद नारंग पूर्व जनपद सदस्य श्री लोकमनी कोशले के संग आस-पास के ग्राम पंचायत के सरपंच अउ आन जनप्रतिनिधि अऊ समाज सेवक उपस्थित रहिन।
