स्कूल परिसर म इको क्लब के सहयोग ले लगाये जाही पौधा

रायपुर, 15 जुलाई 2020। प्रदेश म स्कूल मन के इको क्लब के सहयोग ले सबो शासकीय स्कूल मन म पौधरोपण अउ किचन गार्डन के कार्य करे जाही। प्रबंध संचालक समग्र शिक्षा जितेन्द्र शुक्ला ह ये संबंध म प्रदेश के सबो जिला शिक्षा अधिकारी, डाईट के प्राचार्य अउ जिला मिशन समन्वयक राजीव गांधी शिक्षा मिशन ल शाला परिसर म पौधरोपण अउ किचन गार्डन बर आवश्यक दिशा-निर्देश जारी करे हे। एमा कहे गए हे कि राज्य के शासकीय स्कूल मन म वर्षा ऋतु के बेरा परिसर म पौधरोपण अउ किचन गार्डन बर अच्छा समय होथे। ये साल अभी स्कूल बंद हे पर आगु जब खुलही त परिसर हरा-भरा होना चाही। एखर बर इको क्लब के सदस्य मन अउ समुदाय ले स्कूल के विकास म रूचि लेने वाला सदस्य मन के संग मिल के शाला म आवश्यकतानुसार विभिन्न पौधा के चयन करे जाये। वन विभाग अउ निकट के नर्सरी ले पौधा लेके परिसर म पौधरोपण कार्यक्रम के आयोजन करे जाये। वृक्ष मम के सुरक्षा अउ देखभाल बर इको क्लब के सदस्य मन ल जिम्मेदारी सौंपा जाए।