बलौदाबाजार, प्रधानमंत्री नरेंद्र मोदी ह अन्नदाता मन के आमदनी बढ़ाए अउ ओ मन ल आर्थिक सुरक्षा देहे खातिर ‘पीएम-आशा’ (PM-ASHA)योजना सुरू करे हे। ये मिशन के सीधा मकसद दाल अउ तिलहन उपजइया किसान मन ल उंखर फसल के सही दाम मने न्यूनतम समर्थन मूल्य (MSP) देवाना हे।
योजना के खास बात:
ये योजना के तहत सरकार अरहर, उरद अउ मसूर के 100% फसल ल बिसाही। एकर संगे-संग मूंगफली, सोयाबीन, चना अउ सरसों जइसे फसल के 25% हिस्सा नाफेड (NAFED) अउ एनसीसीएफ (NCCF) जइसे केंद्रीय एजेंसी मन के माध्यम ले बिसाए जाही। सरकार के लक्ष्य साफ़ हे—दाल उत्पादन म देस ल आत्मनिर्भर बनाना अउ किसान मन ल उंखर मेहनत के पूरा फल देना।
बलौदाबाजार म 5 ठन नवा केंद्र:
किसान मन के सुविधा बर बलौदाबाजार जिला म 5 ठन उपार्जन (खरीदी) केंद्र बनाए गे हे। ये केंद्र बलौदाबाजार, अमेरा (पलारी), धुर्राबांधा (भाटापारा), कसडोल अउ सिमगा के सहकारी समिति मन म खेले गए हे।
तुरते करव ये काम:
ये योजना के फायदा उठाए बर किसान मन ल ‘एकीकृत किसान पोर्टल’ म अपन रजिस्ट्रेशन कराना जरूरी हे। पंजीयन करत बेरा अपन नजदीकी केंद्र के चुनाव जरूर करव। सुरता राखव, फसल खरीदी के ये समय 90 दिन बर तय करे गे हे। ये कदम किसान मन ल बाजार के जोखिम ले बचाए म मददगार साबित होही।