बलरामपुर : पीएम आवास योजना के सेती पक्का मकान म सपरिवार खुशी ले जीवन यापन करत हे मोहरमनिया

बलरामपुर, रोटी, कपड़ा अऊ मकान जइसे बुनियादी जरूरत मन ल पूरा करे बर मनखे जीवनभर संघर्ष अऊ मेहनत करथे, आर्थिक रूप ले कमजोर मनखे बर खुद के घर एक सपना जइसे होथे, फेर मुख्यमंत्री श्री भूपेश बघेल के मंशा के मुताबिक शासन के महत्वाकांक्षी योजना मन के समुचित लाभ समाज के हर एक नागरिक तक पहुंचत हे, ताकि समाज के हर वर्ग के समुचित विकास हो सकय। इही कड़ी म कलेक्टर श्री विजय दयाराम के. के निर्देशन अऊ जिला पंचायत सीईओ श्रीमती रेना जमील के मार्गदर्शन म प्रधानमंत्री आवास योजना के प्रभावी क्रियान्वयन ले जिला म निवासरत गरीब वर्ग के हितग्राही मन के खुद के घर बनाए के सपना साकार होवत हे।
कई मनखे मन पूरा जिंदगी मकान के समपना देखते देखत सरग सिधार जाथे। अइसनहे बलरामपुर के निवासी मोहरमनिया के उमर 55 साल हो गे हे वो अपन पुश्तैनी कच्चा घर म चार लइका मन के संग जीवनयापन करत रहिस, ओकर बताती पति के देहांत के बाद परिवार के जिम्मेदारी वोखर खांधा म आ गे। वो ह मज़दूरी करके अपन चार लइका मन के मुश्किल ले पालन-पोषण करिस। वो ह अपन संघर्ष के दिन ल सुरता करत भावुकता ले बताइस कि नइ सोचे रहेन कि ये जीवन म कभू पक्का मकान म रहि पाहूं, फेर प्रधानमंत्री आवास योजना के अंतर्गत साल 2020-21 म पक्का घर बनाए बर शासन ले स्वीकृति प्रदान करे गीस। शासन ले अनुदान म मिले राशि अऊ खुद के बचत राशि ल मिलाके वो ह पक्का मकान बनाइस। आज वो अपन परिवार के संग पक्का मकान म खुशहाल जीवन यापन करत हे।