राजनांदगांव, सेवा, संकल्प अउ जनकल्याण के भावना के संग गरीब अउ जरूरतमंद परिवार मन के जिनगी म सकारात्मक बदलाव लाए के कोसिस लगातार जारी हे। प्रधानमंत्री नरेंद्र मोदी के 25 बछर के सेवाकाल म गरीब मन ल बेहतर जिनगी, सम्मान अउ सुरच्छित आवास उपलब्ध कराय के संकल्प अलग-अलग जनकल्याणकारी योजना के माध्यम से साकार होवत हे। इही क्रम म प्रधानमंत्री आवास योजना-ग्रामीण राजनांदगांव विकासखंड के ग्राम रानीतराई निवासी श्रीमती दुलेश्वरी बाई के परिवार के जिनगी म खुसी के नवा सुरुआत करे हे। श्रीमती दुलेश्वरी बाई ह बताइन के पहिली ओखर परिवार कच्चा मकान म रहत रहिस। बरसात के मौसम ओखर बर विशेष चिंता लेके आवत रहिस। बारिश के दौरान घर म पानी आए के सेती लइका मन के पुस्तक, कपड़ा अउ दूसर जरूरी सामान भींज जात रहिस। कच्चा मकान म कीरा-मकोरा के परेसानी घलो बने रहत रहिस। हर मौसम म परिवार ल घर के सुरक्षा अउ सुविधा ल लेके परेसानी के सामना करे बर परत रहिस। अइसे म परिवार बर एक पक्का अउ सुरच्छित घर कोनो सपना ले कम नइ रहिस। प्रधानमंत्री आवास योजना-ग्रामीण के तहत ओला 1 लाख 20 हजार रुपिया के मदद मिलिस, जेकर से ओखर पक्का मकान तियार हो गे। पक्का मकान मिले के बाद दुलेश्वरी बाई के परिवार के जिनगी के परिस्थिति म बड़का बदलाव आए हे। अब बारिश के दौरान घर म पानी आए के चिंता नइ रहय अउ परिवार ल मौसम के परेसानी ले बहुत राहत मिल हे। लइका मन ल पढ़ाई बर सुरच्छित अउ सुविधाजनक वातावरण मिले हे। दुलेश्वरी बाई ह बताइन के पहिली पानी सुरू होतेच घर के सामान अउ लइका मन के किताब ल बचाए के चिंता रहत रहिस, अब पूरा परिवार निश्चिंत होके अपन पक्का घर म रहत हे। ओखर बर ये सिरिफ एक मकान नइ हे, बल्कि सुरक्षा, सम्मान अउ बेहतर भविष्य के नया सुरुआत हे। श्रीमती दुलेश्वरी बाई ह प्रधानमंत्री नरेंद्र मोदी अउ मुख्यमंत्री विष्णु देव साय के प्रति आभार व्यक्त करत कहिन के प्रधानमंत्री आवास योजना-ग्रामीण ओखर परिवार ल सुरच्छित अउ सम्मानजनक जिनगी जिए के अवसर देहे हे। ओमन कहिन के पक्का घर मिले ले परिवार के कइ बछर जुन्ना चिंता दूर होगे हे अउ अब लइका मन के भविष्य ल लेके घलो भरोसा बाढ़ गए हे। प्रधानमंत्री आवास योजना-ग्रामीण जइसे योजना के माध्यम से ग्रामीण क्षेत्र के जरूरतमंद परिवार मन ल पक्का आवास उपलब्ध कराना सिरिफ आवास निर्माण तक सीमित नइ हे, बल्कि ये परिवार मन ल सुरक्षा, स्थायित्व, सम्मान अउ बेहतर भविष्य के भरोसा घलो प्रदान करत हे। ग्राम रानीतराई के दुलेश्वरी बाई के परिवार एही बदलाव के एक प्रेरणादायी मिसाल हे।
रानीतराई की दुलेश्वरी बाई ल मिलिस प्रधानमंत्री आवास योजना के लाभ, पक्का मकान बने ले दूर होगे चिंता
