कुरुद के कुसुम बाई ल मिलिस प्रधानमंत्री आवास योजना के लाभ, पक्का मकान के सपना होगे पूरा

धमतरी, कच्चा भिथिया, बरसात म चूहइया छांधी अउ हर मौसम म ढहे के डर, ग्राम पंचायत जी जामगांव, जनपद पंचायत कुरुद के श्रीमती कुसुम बाई के परिवार बर ये सिरिफ एक रोजमर्रा के परेसानी न ही, बल्कि बरसों के मजबूरी रहिस। मजदूरी ले होइया सीमित कमई म भोजन, लइका मन के पढ़ई अउ स्वास्थ्य के जरूरत बहुत मुश्किल ले पूरा हो पात रहिस। अइसे म एक पक्का मकान बनाना उंकर मन बर सिरिफ एक दूर के सपना बने रहिस।
बछर 2025-26 म पात्रता के आधार पर कुसुम बाई के चयन ‘प्रधानमंत्री आवास योजना (ग्रामीण)’ के तहत होगे। जनपद पंचायत डहर ले आयोजित कार्यक्रम म ओला निर्माण प्रक्रिया, मदद राशि अउ गुणवत्ता मानक के स्पष्ट मार्गदर्शन मिलिस। एकर बाद ओखर सपना के घर ईंट अउ सीमेंट के मजबूत दीवार के रूप म साकार होना सुरू होगे।
आज कुसुम बाई अपन परिवार के संग एक सुरच्छित अउ मजबूत पक्का घर म रहत हे। अब न तो बरसात म सामान भींजे के डर हे अउ न ही सीलन भरे भीथिया के परेसानी। ये घर ओखर बर सिरिफ चार दीवार नो हे, बल्कि परिवार के आत्मसम्मान, सुरक्षा अउ लइका मन के बेहतर भविष्य के मजबूत नेंव ये।
प्रधानमंत्री आवास योजना के माध्यम से जिनगी म आए ये बदलाव ले खुस होके कुसुम बाई ह 17 सितंबर के प्रधानमंत्री नरेंद्र मोदी के जन्मदिन म ओला बधाई संदेश भेजिन। ओमन प्रधानमंत्री ल जन्मदिन के बहुत-बहुत बधाई अउ शुभकामना देत कहिन के ओमन हमर जइसे गरीब परिवार मन ल पक्का घर देके हमर सपना ल पूरा करे हें। भगवान ले प्रार्थना हे के वोमन अइसनहे देश अउ गरीब मन के सेवा करत रहंय। प्रधानमंत्री आवास योजना (ग्रामीण) के असली सफलता इही हे के जब कोनो जरूरतमंद परिवार ल सुरच्छित छत मिलथे, तहाँ ओखर सशक्त अउ आत्मनिर्भर भविष्य के नेंव घलो मजबूत हो जाथे।