CHHATTISGARHI NEWS: रायपुर gurturgoth, जिला के ग्राम सलका के रहवइया गुलाबमनी बर प्रधानमंत्री आवास योजना ओखर जिनगी म नवा बदलाव लात बड़का अधार बन गए हावय। दूसर के खेत म मजदूरी करके जीवन चलइया गुलाबमनी के ससुराल पक्ष ले अनबन होए के बाद जिनगी बहुत कठिन दौर म आ गए रहिस। अइसन संकट के बेरा म ओखर बहिनी ओला अपन घर म रखके हौसला बढ़ाइस। ग्राम पंचायत सलका म पउर साल प्रधानमंत्री आवास योजना ग्रामीण के तहत ओला पक्का मकान के स्वीकृति मिलिस।
योजना के तहत मिले आर्थिक मदद अउ अपन मेहनत ले गुलाबमनी सुंदर पक्का मकान बनाइस। पक्का मकान बन जाए ले ओखर जिनगी के सबले बड़का चिंता दूर होगे हावय अउ ओला समाज म एक नवा सम्मानजनक पहचान मिल गे हावय। खुद के मकान होए ले अब ओ अपन जीवन म नवा उमंग के संग आगू बढ़त हें अउ दूसर जरूरतमंद परिवार मन बर प्रेरणा बनगे हें। गुलाबमनी ए जीवनदायिनी योजना बर देश के प्रधानमंत्री नरेंद्र मोदी अउ प्रदेश के मुख्यमंत्री विष्णु देव साय के प्रति आभार व्यक्त करत कहिथे के ए योजना ओखर बुझात उम्मीद मन म नवा अंजोर भर दे हावय अउ ओला सम्मान के संग जिए के अवसर मिले हावय।
रायपुर के सलका के गुलाबमनी बर प्रधानमंत्री आवास योजना बनिस जीवन के सबले बड़े अधार, पक्का मकान मिले ले मिलिस नवा चिन्हारी
