कोरिया के सोनहत के जगदीश के पक्का मकान के सपना प्रधानमंत्री आवास योजना ले होइस साकार, बुढ़ापा म मिलिस सुख अउ आराम

CHHATTISGARHI NEWS: कोरिया gurturgoth, जिला के वनांचल जनपद सोनहत के ग्राम पंचायत अकलासरई के रहइया श्री जगदीश बर प्रधानमंत्री आवास योजना ग्रामीण जीवन म बड़का भरोसा बन के आए हे। उमर के आखिरी पड़ाव म ओखर पक्का मकान के सपना ए योजना के माध्यम से पूरा होगे हावय। पहिली जगदीश अपन परिवार के संग एक जर्जर कच्चा मकान म रहत रहिस, अउ ओखर जिनगी बहुत कठिन परिस्थिति म बीतत रहिस। ओखर दुनो बेटा के असमय निधन हो जाए के सेती परिवार ला भारी दुख अउ आर्थिक संकट झेले बर परत रहिस, जेकर से पक्का मकान बनाना ओखर बर असंभव बात रहिस। फेर बछर 2024 म प्रधानमंत्री आवास योजना ग्रामीण के तहत ओखर नाम जुरिस, अउ मकान निर्माण बर आर्थिक सहायता मिलिस। मनरेगा योजना के तहत 90 दिवस के मजदूरी घलो मिलिस, जेकर उपयोग ओ ह मकान बनात समे करिस। आज जगदीश अपन पत्नी, बांचे बेटा अउ बहू के संग अपन सुंदर पक्का मकान म सुकून से जिनगी गुजारथें। ए जीवनदायिनी योजना बर जगदीश प्रधानमंत्री नरेंद्र मोदी अउ मुख्यमंत्री विष्णु देव साय के प्रति भावुक होके हार्दिक आभार व्यक्त करे हें अउ कहिन के ए योजना गरीब परिवार मन के बुढ़ापा के सबले बड़े सहारा बने हावय।