कोरिया के मुमताज बेगम के जिनगी म प्रधानमंत्री आवास योजना लाइस खुशहाली, पक्का मकान मिले ले मिलिस नवा सामाजिक पहचान

CHHATTISGARHI NEWS: कोरिया gurturgoth, जिला के बैकुंठपुर जनपद पंचायत के ग्राम गदबदी के रहवइया मुमताज बेगम बर प्रधानमंत्री आवास योजना जीवन म बड़ा बदलाव लाइस हावय। पति हैदर जमाल के संग दूसर के खेत म मजदूरी करके जीवन चलइया मुमताज बर पक्का मकान बनाना एक सपना रहिस। पहिली ओ ह गांव के एक कच्चा घर म रहत रहिस अउ आर्थिक स्थिति कमजोर होए के सेती भारी कठिनाई झेले बर परत रहिस। कुछ साल पहिली मुमताज राष्ट्रीय ग्रामीण आजीविका मिशन (बिहान) ले जुड़िस, जेकर से ओखर सामाजिक दायरा बढ़िस अउ थोड़ कन कमई भी होए लागिस।
ए बीच प्रधानमंत्री आवास योजना ग्रामीण के तहत ओखर परिवार के चयन होइस। योजना ले मिले आर्थिक मदद के सहयोग से मुमताज अउ ओखर पति अपन मेहनत ले सुंदर पक्का मकान बनाइन। पक्का मकान बने ले ओमन के जीवनभर के चिंता खतम होगे हावय अउ अब ओमन एक मजबूत सामाजिक पहचान के संग सुखमय जीवन जीथें। खुद के मकान होए ले अब ओमन अपन लइका मन के भविष्य ला लेकर भी निश्चिंत होगे हें। मुमताज अउ ओखर परिवार ए जीवनदायिनी योजना बर प्रधानमंत्री नरेंद्र मोदी अउ शासन-प्रशासन के प्रति आभार व्यक्त करे हें अउ कहिन के ए योजना गरीब परिवार मन के सपना ला पूरा करत हावय।