प्रधानमंत्री आवास योजना ले बदलिस सरगुजा के राजकुमारी सोनी के जिंदगी, पक्का घर मिले ले मिलिस राहत

अम्बिकापुर, प्रधानमंत्री आवास योजना-ग्रामीण जरूरतमंद परिवार मन ला सुरक्षित अउ सम्मानजनक आवास उपलब्ध कराके उनकर जीवन म स्थायी बदलाव लावत हे। सरगुजा जिला के ग्राम पंचायत दरिमा के रहवइया श्रीमती राजकुमारी सोनी के परिवार बर ए योजना ह कइ बछर ले देखे जात पक्का घर के सपना ला पूरा करइया साबित होए हे। पहिली राजकुमारी सोनी कच्ची झोपड़ी म रहत रहिस, बरसा के दिन म छत चूहे ले बहुत परेशानी होत रहिस। पानी टपके के सेती घर के सामान अउ लइका मन के किताब ला सुरक्षित रखना मुश्किल होत रहिस, अउ घेरी-बेरी घर के मरम्मत कराए बर खपरा बिसाना घलो कठिन रहिस। प्रधानमंत्री आवास योजना-ग्रामीण के तहत आवास स्वीकृत होए के बाद ओखर परिवार के ए परेशानी दूर हो गे हे। शासन ले मिले सहायता अउ परिवार के मेहनत ले पक्का मकान तियार हो गे हे, जेकर से अब मौसम के मार ले बचाव होथे अउ परिवार चैन से रहत हे। राजकुमारी सोनी बताथें के पक्का घर मिले ले अब ओखर नाती-पोता मन बिना कोनो परेशानी के अपन पढ़ाई कर पाथें। पक्की छत मिले ले परिवार ला सुरक्षा मिले हे अउ जीवन म नया सहजता आए हे। राजकुमारी सोनी ह पक्का आवास मिले म प्रधानमंत्री नरेंद्र मोदी अउ मुख्यमंत्री विष्णु देव साय के प्रति आभार व्यक्त करे हें।