कोरिया : प्रधानमंत्री आवास योजना ले जरीब के कुटुंब ल मिलीस खुद के पक्का घर

कोरिया, 10 फरवरी 2024। प्रधानमंत्री श्री नरेन्द्र मोदी के नेतृत्व म अउ मुख्यमंत्री विष्णु देव साय के निर्देश के मुताबिक जिला म प्रधानमंत्री आवास योजना अंतर्गत पक्का पक्का घर बनवाए के काम तेजी ले जारी हे। हितग्राही मन ल घर निर्माण के जियो टैगिंग के जइसे सरलग पइसा देहे जात हे। प्रधानमंत्री आवास योजना ग्रामीण अंतर्गत जरीब खान पिता मो. हुसैन ल साल 2019-20 म प्रधानमंत्री आवास योजना के स्वीकृति प्राप्त होइस। अभी हाल म सबो किश्त लेके जरीब ह अपन घर पूरा कर लेहे हे। जरीब खान ह बताइस कि ओ एक छोट कन पान दुकान चला के अपन गुजारा करथे, एखर से पहिली वो वोखर पत्नी अऊ वोखर दू लइका कच्चा मकान म रहत रहिन, बरसात म ओ मन ल अड़बड़ दिक्कत के सामना करना परत रहिस। आर्थिक तंगी के सेती ओ मन अपन पक्का मकान नइ बनवा सकत रहिन। योजना अंतर्गत घर के स्वीकृति मिले म उमन अपन पक्का मकान निर्माण कर लेहे हें अऊ अभी हाल म जरीब अउ ओखर परिवार अपन नवा घर म निवासरत हे अउ सुरक्षित महसूस करत हें। उमन ये घलोक बताइन के प्रधानमंत्री आवास के संग ओ मन ल प्रधानमंत्री उज्ज्वला योजना के तहत मुफ्त गैस कनेक्शन घलोक मिले हे अऊ सरकार ह शौचालय बनाए म घलोक उंखर आर्थिक मदद करे हे जेकर सेती ऊंखर जीवन के स्तर म सुधार आए हे, वोकर बताती ओ मन ए मदद बर शासन के बहुत आभारी हे।
जानबा हे के जिला म अब तक 13 हजार 416 प्रधानमंत्री आवास ल स्वीकृति मिले हे जेमे 8 हजार 827 मकान पूरा करके हितग्राही मन ल सौंप दे गए हे अउ बाकी बचे मकान ल कलेक्टर श्री विनय कुमार लंगेह के मार्गदर्शन म जल्द पूरा करे जात हे।