पी.एम फसल बीमा योजना: किसान मन के फसल मन बर सुरक्षा कवच

ऋणी किसान 14 अगस्त अऊ अऋणी किसान 31 अगस्त तक बीमा करा सकत हे
राजनांदगांव, किसान मन के सुविधा ल देखत प्रधानमंत्री फसल बीमा योजना बीमा कराए के तारीक बढ़ा दे गए हे। अऋणी किसान अब 14 अगस्त अऊ ऋणी किसान 31 अगस्त तक 2025 तक बीमा करा सकही। राजनांदगांव जिला के उप संचालक  कृषि, श्री टीकम सिंह ठाकुर ह किसान मन ले अपन फसल मन के बीमा कराए बर तीर के लोक सेवा केंद्र, बैंक या समिति म संपर्क करके लउहे बीमा कराए के अपील करे हें।
राजनांदगांव के उपसंचालक कृषि ह बताइस के जिला म साल 2025 म अब तक 1,065.81 हेक्टेयर रकबा के फसल बीमा कराए जा चुके हे। उमन बताइन के जिला म साल 2024 म प्रधानमंत्री फसल बीमा योजना के तहत कुल 1 लाख 17 हज़ार 866 किसान मन ह बीमा कराए हें। एमां 1 लाख 9 हज़ार 178 ऋणी किसान अऊ 8 हज़ार 688 अऋणी किसान सामिल रहिन। ए बेरा म कुल 1 लाख 43 हज़ार 465.56 हेक्टेयर रकबा के बीमा होय हे। फसल कटाई बाद प्राप्त उपज आंकड़ा मन के आधार म 2,733 किसान मन ल कुल 6 करोड़ 21 लाख 19 हजार 101 रूपिया के राशि सीधा ऊंखर बैंक खाता मन म स्थानांतरित करे गए हे।
अइसनहे रबी साल 2024-25 म कुल 31 हज़ार 634 किसान मन ह बीमा कराए हें, जेमें 19 हज़ार 473 ऋणी किसान अऊ 12 हज़ार 161 अऋणी किसान सामिल रहिन। ए बेरा म 39 हज़ार 431.58 हेक्टेयर रकबा के बीमा होइस। फसल कटाई बाद आंकड़ा मन के मुताबिक 20 हज़ार 380 किसान मन बर 33 करोड़ 23 लाख 21 हजार 247 रूपिया के दावा गणना पूरा कर ले गए हे, जेखर भुगतान डीजी क्लेम पोर्टल के माध्यम ले करे जाही।
जानबा हे के पीएम फसल बीमा माध्यम ले किसान मन ल किफायती दर म फसल बीमा उपलब्ध कराके कृषि उत्पादन ल सुरक्षित अऊ सशक्त बनाय जात हे। ये योजना बुवाई ले लेके कटाई के बाद तक के चरण म, क्षेत्र दृष्टिकोण के आधार म, सबो गैर-रोकथाम वाले प्राकृतिक जोखिम ले किसान मन के फसल मन बर व्यापक सुरक्षा कवच देथे।