कच्चा घर ले पक्का आशियाना तक सुरक्षित अऊ सम्मानजनक जीवन के मिलीस अवसर
जांजगीर-चांपा, प्रधानमंत्री आवास योजना (ग्रामीण) गरीब अऊ जरूरतमंद परिवार मन के सपना ल साकार करत हे। ए योजना ह जांजगीर-चांपा जिला के जनपद पंचायत बलौदा के ग्राम पंचायत पहरिया रहवइया श्री कोमल प्रसाद तिवारी ल नवा जिंदगी अऊ नवा पहिचान देहे हे।
पुजारी के रूप म आजीविका चलइया श्री कोमल तिवारी पहिली माटी के कच्चा घर म अपन परिवार के संग रहत रहिस। आर्थिक स्थिति कमजोर होए के सेती पक्का घर बनाना वोखर बर एक सपना रहिस, फेर प्रधानमंत्री आवास योजना (ग्रामीण) ह ए सपना ल हकीकत म बदल दीस।
साल 2024-25 म योजना के तहत 1 लाख 20 हजार रूपिया के स्वीकृत राशि ओ ल प्राप्त होइस। एखर सहयोग ले वो ह अपन परिवार बर मजबूत अऊ सुरक्षित पक्का घर बनाइस। निर्माण काम म महात्मा गांधी नरेगा ले घलोक मजदूरी के राशि मिलीस, जेखर से ओ ल अकतहा सहारा मिलीस।
आज श्री कोमल तिवारी के परिवार सुरक्षित अऊ सम्मानजनक जीवन जीयत हे। ओ भावुक होके कहत हे के प्रधानमंत्री आवास योजना मोर जीवन के सबले बड़का वरदान हे। अब हमला न बरसा के चिंता हे अऊ न कोनो असुरक्षा के डर। हमला एक अइसे घर मिले हे, जेन हमर खुशि के आधार बन गए हे।
पीएम आवास योजना के सौगात ले कोमल ल मिलीस नवा पहिचान
