जनऔषधी मन के कीमत मन म कटौती म मुख्यमंत्री श्री विष्णुदेव साय ह जताइन आभार

प्रधानमंत्री श्री नरेंद्र मोदी के जनहितैषी निर्णय ले लाखों मनखे मन ल मिलही राहत – मुख्यमंत्री श्री साय
रायपुर, मुख्यमंत्री श्री विष्णुदेव साय ह केंद्र सरकार ह 37 जरूरी दवइ मन के मूल्य म 10 ले 15 प्रतिशत तक के कमी करे के निर्णय के स्वागत करत प्रधानमंत्री श्री नरेंद्र मोदी के प्रति आभार व्यक्त करे हें।
मुख्यमंत्री श्री साय ह कहिन कि स्वस्थ भारत ही विकसित भारत के आधारशिला हे। प्रधानमंत्री श्री नरेंद्र मोदी जी के ये निर्णय ऊंखर दूरदर्शी अऊ जनकल्याणकारी अगुवई के सशक्त अभिव्यक्ति हे। ये निर्णय हृदय रोग, मधुमेह, संक्रमण, बुखार अऊ दर्द जइसे आम अउ गंभीर बीमारी मन ले जूझत नागरिक मन ल बड़ राहत देही।
उमन कहिन के एखर मूल्य कटौती ले पैरासिटामोल, एटोरवास्टेटिन, एमोक्सिसिलिन जइसे जीवनरक्षक दवइ अब अऊ जादा सुलभ अऊ सस्ता होही। छत्तीसगढ़ जइसे आदिवासी अऊ ग्रामीण बहुल राज्य म ये निर्णय गरीब, श्रमिक, किसान, महिला अऊ सियान मन के स्वास्थ्य बर बहुत लाभकारी सिद्ध होही।
मुख्यमंत्री श्री साय ह ये घलोक कहिन के छत्तीसगढ़ सरकार प्रधानमंत्री जन औषधि योजना के केंद्र मन के विस्तार, आयुष्मान भारत योजना के प्रभावी क्रियान्वयन अऊ प्राथमिक ले लेके उच्चस्तरीय स्वास्थ्य सेवा के सहज उपलब्धता ठउका करे बर सरलग उदीम करत हे।
मुख्यमंत्री श्री साय ह कहिन के केंद्र सरकार के निर्णय केवल दवइ मन के कीमत घटाय के नइ हे, बल्कि आमजनता के जीवन स्तर ल सशक्त बनाए के घलोक कदम हे।