पहाड़ी कोरवा परिवार ल दीन बधाई अऊ शुभकामना
बलरामपुर-रामानुजगंज, राज्यपाल श्री रमेन डेका ह काली बलरामपुर-रामानुजगंज जिला के विकासखंड राजपुर के पहाड़ी कोरवा गांव घटगांव म प्रधानमंत्री जनमन आवास योजना के हितग्राही श्री रामकुमार के घर पहुँचके ओ मन ल ऊंखर नवा घर के चाबी सौंपिन। राज्यपाल ह फीता काटके नवा बने घर म गृह प्रवेश कराइन। उमन परिवार के सदस्य मन ल ऊंखर नवा घर अऊ उज्जवल भविष्य खातिर बधाई अऊ शुभकामना दीन। राज्यपाल श्री रमेन डेका ह हितग्राही श्री रामकुमार अऊ वोखर परिवार ले आत्मीयता ले बातचीत करिन। उमन परिवार के आजीविका, लइका मन के पढ़ाई अऊ योजना ले होए बदलाव मन के बारे म जानकारी लीन। ए बेरा म रामकुमार ह बताइस के पहिली ओ कच्चा घर म डर म रहत रहिस फेर अब योजना अंतर्गत मिले घर ले अपन पक्का घर म सुकून ले बेफिक्र होके सुतही। राज्यपाल श्री रमेन डेका ह पहाड़ी कोरवा परिवार ले विदा लेत समय उमन उपहार भेंट करिन अऊ आगू बेहतर जीवन खातिर शुभकामना दीन।
राज्यपाल ह पीएम जनमन आवास हितग्राही ल सौंपिन चाबी
