बिलासपुर, 13 सितमबर 2024। प्रधानमंत्री जनमन योजना के तहत बिलासपुर जिला के ग्राम पंचायत चुरेली, परसापानी अऊ उमरिया दादर म शिविर के आयोजन करे गीस। शिविर म विशेष पिछड़ी जनजाति के सैकड़ों मनखे शासन के योजना मन ले लाभान्वित होइन।
ग्राम पंचायत चुरेली म आयोजित पीएम जनमन शिविर म 31 हितग्राही मन ल आयुष्मान कार्ड, 10 हितग्राही मन ल वन अधिकार पत्र, 11 हितग्राही मन ल पीएम किसान सम्मान निधि अऊ 16 हितग्राही मन ल किसान क्रेडिट कार्ड बांटे गीस। अइसनहे ग्राम पंचायत परसापानी म 22 हितग्राही मन ल आयुष्मान कार्ड, 29 हितग्राही मन ल जाति प्रमाण, 23 हितग्राही मन ल पीएम सम्मान निधि अउ 29 हितग्राही मन ल किसान क्रेडिट कार्ड बांटे गीस। ग्राम उमरिया दादर शिविर म 77 हितग्राही मन ल जाति प्रमाण पत्र, 15 हितग्राही मन ल बैल जोड़ी, छै हितग्राही मन ल स्टिक अऊ पांच हितग्राही मन ल किसान क्रेडिट कार्ड बांटे गीस। शिविर म मौका म ही योजना मन के लाभ मिले ले विशेष पिछड़ी जनजाति के बैगा अउ बिरहोर आदिवासी बहुत खुश दिखाई दीन।
