पीएम जनमन आवास योजना ले ममता कमार के जिंदगी म आईस नवा खुशहाली

बलौदाबाजार भाटापारा, जिला के वनांचल ग्राम बल्दाकछार के निवासी श्रीमती ममता कमार अऊ वोखर पति पंच राम कमार ल अब संघर्ष के सामना नइ करना परय काबर के प्रधानमंत्री जनमन आवास योजना ह ममता कमार अऊ वोखर परिवार के जिंदगी म नवा अंजोर ला देहे हे। ए योजना के तहत ओ ल पक्का मकान मिल गए हे, जेखर से अब वोखर जीवन म स्थिरता अऊ सुरक्षा के भावना पैदा हो गए हे। अब, ममता अऊ ओखर परिवार एक सुरक्षित अऊ मजबूत घर म रहत हे, जेमां वो अऊ वोखर तीन बेटी बिना कोनो चिंता के अपन भविष्य कोती आगू बढ़त हे। श्रीमती कमार ह ए योजना बर प्रधानमंत्री श्री नरेंद्र मोदी अऊ मुख्यमंत्री श्री विष्णु देव साय के प्रति आभार व्यक्त करत कहिस के ए पक्का मकान ह वोखर परिवार के जीवन ल एक नवा दिशा देहे हे अऊ वोखर बेटी मन के भविष्य के प्रति ओ मन ल आत्मविश्वास ले भर देहे हे।