प्रधानमंत्री श्री नरेन्द्र मोदी लखपति दीदी मनकुंवारी बाई ले आज करहीं गोठ-बात

झारखण्ड के हजारीबाग म 02 अकटूबर के होही पीएम जनमन मेगा इवेंट
रायपुर, प्रधानमंत्री श्री नरेन्द्र मोदी 2 अकटूबर के गांधी जयंती के दिन झारखण्ड के हजारीबाग म पीएम जनमन मेगा इवेंट म हितग्राही मन ले बातचीत करहीं। छत्तीसगढ़ बर ये सौभाग्य के विसय होही के विशेष पिछड़ी जनजाति पहाड़ी कोरवा समुदाय के मनकुंवारी बाई ले प्रधानमंत्री बातचीत करहीं।
जशपुर जिला म निवासरत विशेष पिछड़ी जनजाति पहाड़ी कोरवा परिवार मन ल पीएम जनमन योजना के लाभ देहे जात हे। इही कड़ी म जिला के बगीचा विकासखण्ड के ग्राम कुटमा निवासी मनकुंवारी बाई ल झारखण्ड के हजारीबाग म 02 अकटूबर 2024 के होवइया पीएम-जनमन के मेगा इवेंट आमंत्रित करे गए हे।
जानबा हे कि विशेष पिछड़ी जनजाति पहाड़ी कोरवा कुटुंब के मनकुंवारी बाई किसानी काम के संग आन गतिविधि मन म जुड़के अकतहा आय अर्जित करत हे। मनकुंवारी किसानी काम के साथ-साथ बत्तख पालन, तेंदूपत्ता, महुआ, चिरौंजी अउ साल बीज संग्रहण कर बिक्री के काम करत हे अउ अभी हाल म हर बछर 2 लाख 70 हजार के आय अर्जित करके लखपति दीदी बन गए हे। मुनकंवारी बाई जशपुर ले झारखण्ड हजारीबाग बर रवाना हो गए हे।