बलौदाबाजार,16 जुलाई 2024, कलेक्टर दीपक सोनी के निर्देश म जिला म विशेष पिछड़ी जनजाति समूह मन के मनखे मन ल लाभ देवाए बर प्रधानमंत्री जनमन योजना के तहत प्राथमिकता ले काम करे जात हे। विशेष पिछड़ी जनजाति के बसाहट ल चिन्हांकित करके शिविर मन के आयोजन करे जात हे। ए शिविर मन म सरकार के जनकल्याणकारी योजना मन ले वंचित अउ पात्र सबो हितग्राही मन ल लाभान्वित करे जात हे। शिविर म शासकीय अधिकारी- कर्मचारी मन ह मनखे मन ल विशेष पिछड़ी जनजाति वर्ग बर संचालित योजना मन के बारे म घलोक विस्तार ले जानकारी देवत हें।
इही कड़ी म कमार जनजाति निवासरत कसडोल विकासखंड अंतर्गत ग्राम बल्दाकछार अउ अवराई म शिविर के आयोजन करे गीस। ये दुनों गांव के शिविर म 1 के नवा आधार कार्ड, 6 नवीनीकरण, 18 आयुष्मान, 7 जनधन खाता, 4 नवा राशन कार्ड, पीएमकिसान सम्मान निधि के तहत 34 हितग्राही मन के पंजीयन, 15 श्रम कार्ड बनाए गे हे। संगेच 22 श्रम कार्ड के नवनीकरण करे गए हे। एखर संगेच 6 जाति प्रमाण पत्र घलोक जारी करे गए हे। जानबा हे कि पीएम जनमन योजना के असली उद्देश्य कमजोर जनजातीय समूह मन (पीवीटीजी), परिवार अऊ बस्ति मन तक बुनियादी सुविधा अऊ सेवा ल पहुंचाके उंखर सामाजिक, आर्थिक स्थिति मन म सुधार करना हे। पीएम जनमन योजना अंतर्गत कमजोर जनजाति समूह मन के बसाहट म कई ठन विभाग मन के समन्वय ले पेयजल, आवास, सड़क, आंगनबाड़ी के माध्यम ले पोषण, आजीविका संवर्धन बर कौशल विकास जइसे महत्वपूर्ण गतिविधि मन के क्रियान्वयन करे जाही।
