कच्चा झोपड़ी ले पक्का मकान तक के सफर
रायगढ़, पीएम जनमन योजना ह छत्तीसगढ़ के दूरिहा-दूरिहा वनांचल म बसे विशेष पिछड़ी जनजाति मन के जीवन म आश्चर्यजनक बदलाव लावत हे। रायगढ़ जिला के धरमजयगढ़ विकासखंड अंतर्गत जबगा अऊ लैलूंगा क्षेत्र के कुर्रा गांव के बिरहोर परिवार ल ए योजना के माध्यम ले कच्ची झोपड़ों ले निकाल के पक्का मकान मन म बसाए गए हे। ये बदलाव न केवल ऊंखर जीवन के गुणवत्ता म सुधार लेके आए हे, बल्कि ओ मन ल सुरक्षा अऊ स्थिरता के घलोक नवा अनुभूति करावत हे।
धरमजयगढ़ ले 20 किलोमीटर दूरिहा स्थित जबगा गांव म रहइया 7 बिरहोर परिवार कइ बछर ले घना जंगल के बीच झोपड़ी म रहिके जीवन यापन करत रहिन। ओ मन रस्सी अऊ नेवार बनाए जइसे पारंपरिक काम ले अपन आजीविका चलात रहिन। हर साल बरसा अऊ गरेर के चलते ऊंखर कच्चा मकान ल नुकसान पहुंचत रहिस अउ ओ मन ल घेरी-बेरी मरम्मत करना परय। फेर पीएम जनमन योजना के अंतर्गत ए मन ल प्रधानमंत्री आवास योजना ले पक्का मकान मिले हे, जेखर से अब ओ मन सम्मानपूर्वक अऊ सुरक्षित जीवन जीयत हें।
अइसनहे रायगढ़ जिला के आखरी छोर म स्थित कुर्रा गांव म घलोक बिरहोर समुदाय के 10 परिवार ल एक व्यवस्थित कॉलोनी के रूप म बसाए गए हे। ए पक्का मकान मन के संगें-संग स्वच्छ भारत मिशन के तहत शौचालय निर्माण, पेयजल, बिजली अऊ सड़क जइसे बुनियादी सुविधा घलोक उपब्ध कराए गए हे। ए कॉलोनी मन के ले-आउट विशेष रूप ले समुदाय के सामाजिक संरचना ल ध्यान म रखत तियार करे गए हे, जेखर से सबो परिवार एकजुट रहि सकंय। ए पक्का मकान मन ह न सिरिफ ए परिवार मन ल छत देहे हे, बल्कि ओ मन ल बरसात, जंगली जानवर अऊ बीमारी मन ले घलोक सुरक्षा प्रदान करे हे।
बिरहोर परिवार ह प्रधानमंत्री श्री नरेन्द्र मोदी अऊ मुख्यमंत्री श्री विष्णु देव साय ल धन्यवाद देवत कहिन के हमला कभू भरोसा नइ रहिस के हमार जइसे मनखे मन ल घलोक पक्का मकान मिलही। अब हमला घलोक समाज म बराबरी के एहसास होवत हे। पीएम जनमन योजना, विशेष पिछड़ी जनजाति मन ल मुख्यधारा म जोड़े के दिशा म एक मील के पत्थर साबित होवत हे।
पीएम जनमन योजना ले बदलिस बिरहोर परिवार मन के किस्मत
