जशपुरनगर : पीएम जनमन योजना अंतर्गत गांव-गांव विशेष शिविर के आयोजन

जिला के पहाड़ी कोरवा, बिरहोर समुदाय के मनखे होवत हें लाभान्वित
बनाए जात हे आधार अउ राशन कार्ड, जन्म अऊ जाति प्रमाण पत्र, मिलत हे बेहतर स्वास्थ्य सेवा
ग्राम पंचायत  सोनक्यारी म लगीस शिविर, मछली बीज, जाल अऊ पौधा बांटे गीस

जशपुरनगर, 28 जुलाई 2024। पीएम जनमन योजना के तहत शिविर आयोजन के सिलसिला सरलग चलत हे। जशपुर जिला के पहाड़ी कोरवा, बिरहोर बस्ती म शिविर आयोजित करके ए समुदाय के मनखे मन ल योजना ले लाभान्वित करे जात हे। इही कड़ी में  ग्राम पंचायत  सोनक्यारी अंतर्गत कई  के पहाड़ी कोरवा बस्ती म विशेष  शिविर के आयोजन करे गीस। इहां आयोजित शिविर म सैकड़ों गांव वाले मन ह स्वास्थ्य परीक्षण कराइन। संगेच आधार कार्ड बनवाए खातिर उछाह के संग भाग लीन।

ग्राम पंचायत  सोनक्यारी म आयोजित शिविर म ग्राम रेमने, तालासिली , करदाना, पटिया अउ ओरकेला बस्ती के पहाड़ी कोरवा, बिरहोर समुदाय के मनखे मन ल लाभान्वित करे गीस। शिविर म 09 मनखे मन का  बैंक खाता,  किसान क्रेडिट कार्ड बर 05 मनखे मन के पंजीयन,  02 जाति प्रमाण पत्र, नाम जोड़े 33 आयुष्मान कार्ड 21, स्वास्थ्य परीक्षण 18, मनरेगा डबरी मांग 2, आधार कार्ड  नया  65, अपडेट 51, आधार पावती ले 41 चेक करे गीस।  मछली बीज वितरण 16, मछली जाल वितरण 7, उद्यान विभाग बीज एवं  पौधा वितरण  42, अउ 15 मनखे मन के पशुपालन विभाग द्वारा  आवेदन प्राप्त करे गीस।

जानबा हे के पहाड़ी कोरवा समुदाय के मनखे मन ल स्वास्थ्य सुविधा, आधार कार्ड बनाए संग आन सुविधा मुहैया कराए प्रशासनिक अमला गांव-गांव पहुंचत हे। जिला के ए विशेष पिछड़ी जनजाति बाहुल्य क्षेत्र मन म स्वास्थ्य  शिविर के माध्यम से  सिकलसेल,एनसीडी जांच करे गीस जात हे। संगेच शिविर के माध्यम ले आधार कार्ड, आयुष्मान कार्ड, जन्म प्रमाण पत्र बनाय जात हे। उहें  पहाड़ी कोरवा, बिरहोर समुदाय के मनखे मन के बीच पहुंच के अधिकारी-कर्मचारी मन उंखर से जानकारी घलोक लेवत हें। संगेच ओ मन ल जनमन योजना के जानकारी देहे जात हे। शिविर म अधिकारी मन आमजन ल केंद्र शासन के योजना के संबंध म जानकारी देके जागरुक करके लाभ लेहे खातिर प्रेरित करत हें।