मुख्यमंत्री श्री विष्णुदेव साय के नेतृत्व म विशेष पिछड़ी जनजाति समाज ला मिलिस विकास, सम्मान अउ भरोसा के संग
रायगढ़, प्रधानमंत्री जनजाति आदिवासी न्याय महाअभियान (पीएम-जनमन) योजना के माध्यम ले रायगढ़ जिला के दूरिहा अउ दुर्गम विशेष पिछड़ी जनजाति अंचल मन म विकास के नवा तस्वीर उभरत हे। मुख्यमंत्री श्री विष्णुदेव साय के स्पष्ट संकल्प ‘अंतिम मनखे तक मूलभूत सुविधा पहुंचाय’ के अनुरूप रायगढ़ जिला म ये योजना के प्रभावी क्रियान्वयन करे जात हे। विशेष रूप ले कमजोर जनजातीय समूह (PVTG) तक आवास, सड़क, पिये के पानी, स्वास्थ्य, बिजली अउ संचार जइसन बुनियादी सुविधा सुनिश्चित करे के उद्देस्य ले करे जात प्रयास के सकारात्मक परिणाम अब जमीन म साफ दिखत हे।
कलेक्टर श्री मयंक चतुर्वेदी के मार्गदर्शन अउ सरलग निगरानी म जिला प्रशासन योजना मन ला तेजी, पारदर्शिता अउ गुणवत्ता के संग धरातल म उतारत हे। नियमित समीक्षा बैठक, विभागीय तालमेल अउ निरीक्षण के माध्यम ले ये सुनिश्चित करे जावत हे के योजना के लाभ सही म जरूरतमंद विशेष पिछड़ी जनजाति परिवार मन तक समय म पहुंचय।
पक्का आवास ले मिलिस सुरक्षित जीवन, सम्मान अउ स्थायित्व
पीएम जनमन योजना के अंतर्गत जिला म 173 पक्का आवास के लक्ष्य के विरुद्ध 161 आवास के निर्माण काम पूरा कर लेहे गए हे। ये आवास विशेष पिछड़ी जनजाति परिवार मन बर सिरिफ रहे के जगा नो हे, भलुक सुरक्षित भविष्य, सामाजिक सम्मान अउ आत्मविश्वास के आधार बन चुके हे। मुख्यमंत्री श्री विष्णुदेव साय के मंशा के अनुरूप ये घर मन के निर्माण स्थानीय जरुरत अउ भौगोलिक परिस्थिति मन ला ध्यान म रख के करे जात हे।
लैलूंगा विकासखंड के दूरिहा ग्राम कुर्रा के रहइया श्री सहदेव बिरहोर बताथें के पीएम जनमन योजना के अंतर्गत बने ये घर सिरिफ छत नो हे, भलुक उंकर परिवार बर सम्मान, सुरक्षा अउ स्थायित्व के निशानी आय। श्री रतिराम बिरहोर बताथें के जब उमन नवा आवास म गृहप्रवेश करिन, त वो पल उंकर बर कभू नइ भुलाय वाला बन गीस। ग्राम कोराबाहर के रहइया श्रीमती गणेशी पैकरा भावुक होके बताथें के अब ओ मन ला चैन के नींद आथे। उंकर ये पक्का आशियाना सिरिफ एक घर नो हे, भलुक सम्मान, आत्मनिर्भरता अउ बेहतर भविष्य के मजबूत नींव आय।
संपर्क सड़क ले जुड़िस गांव, विकास के रद्दा होइस आसान, घर-घर पहुंचिस साफ पिये के पानी
दुर्गम बसाहट मन ला मुख्य रद्दा ले जोड़े बर 13 संपर्क सड़क के लक्ष्य तय करे गे रिहिस, जेमा ले अब तक 5 सड़क के निर्माण काम पूरा करे जा चुके हे। ये सड़क मन के बने ले विशेष पिछड़ी जनजाति गांव मन म आवाजाही आसान होय हे अउ शिक्षा, स्वास्थ्य अउ रोजी-रोटी ले जुड़े अवसर गांव तक पहुंचे लगे हे। इही कड़ी म योजना के तहत 327 घर मन म पाइपलाइन अउ सामुदायिक जलापूर्ति के सुविधा उपलब्ध कराए गे हे। एकर ले विशेष पिछड़ी जनजाति महिला अउ लइका मन ला पानी बर दूरिहा जाय के मजबूरी ले राहत मिले हे अउ स्वास्थ्य संबंधी समस्या मन म घलो कमी आए हे।
हाट-बाजार क्लिनिक ले गांव के तीर इलाज, बिजली अउ नेटवर्क ले जुड़त हे विशेष पिछड़ी जनजाति अंचल
मुख्यमंत्री हाट-बाजार क्लिनिक योजना के अंतर्गत 2 मोबाइल मेडिकल यूनिट (एमएमयू) गाड़ी के माध्यम ले जिला के 5 दूरिहा विशेष पिछड़ी जनजाति बसाहट मन म नियमित स्वास्थ्य सेवा देहे जात हे। एकर ले गांव वाला मन ला समय म जांच अउ इलाज के सुविधा उंकर तीर म ही मिलत हे। बिजली सुविधा विस्तार के अंतर्गत 28 घर मन म ग्रिड के माध्यम ले अउ 27 घर मन म सोलर ऊर्जा के माध्यम ले बिजली पहुंचाए जावत हे। उहें, संचार सुविधा ला मजबूत करे के उद्देस्य ले 2 मोबाइल टावर लगाए गे हे, जेकर ले दूरिहा विशेष पिछड़ी जनजाति गांव घलो डिजिटल सेवा अउ आपातकालीन संपर्क ले जुड़त हें।
सरकार के संकल्प, प्रशासन के प्रतिबद्धता, विशेष पिछड़ी जनजाति समाज के सशक्त भविष्य
मुख्यमंत्री श्री विष्णुदेव साय के नेतृत्व अउ कलेक्टर श्री मयंक चतुर्वेदी के कुशल प्रशासनिक मार्गदर्शन म रायगढ़ जिला म पीएम-जनमन योजना विशेष पिछड़ी जनजाति समाज बर विकास, न्याय अउ आत्मसम्मान के मजबूत आधार बनत हे। ये योजना ये बात के सबूत आय के जब सरकार के मंशा साफ हो अउ प्रशासन के प्रतिबद्धता मजबूत हो, त दूरिहा अंचल मन के तस्वीर अउ तकदीर दूनो बदले जा सकत हे।