पीएम जनमन योजना अंतर्गत पहाड़ी कोरवा श्रीमती आशा ल मिलीस अपन सपना के घर

बलरामपुर, 24 सितमबर 2024/ प्रधानमंत्री जनमन योजना के तहत् विशेष पिछड़ी जनजाति परिवार के मनखे मन ल अपन खुद के पक्का मकान के सपना पूरा करे म मदद मिले हे। बलरामपुर जिला म विशेष पिछड़ी जनजाति समुदाय के मनखे बड़ संख्या म निवासरत हें। उंखरो सपना हे के उंखर खुद के पक्का मकान होवय अउ वो मन अपन परिवार के संग निश्चिंत होके जीवन-यापन करंय। अपन सपना ल पूरा करे बर उमन जी जान ले मेहनत करत हे। मुख्यमंत्री श्री विष्णु देव साय के पहल अऊ प्रशासन के माध्यम ले पीवीटीजी समुदाय म ऊंखर घर तक योजना पहुंचाए जात हे।
पीएम जनमन योजना के तहत साल 2023-24 म जनपद पंचायत राजपुर के ग्राम पंचायत अलखडीहा निवासी पहाड़ी कोरवा श्रीमती आशा ल प्रधानमंत्री आवास पास होइस। श्रीमती आशा के किस्मत रंग लाईस जब ओ ल पक्का मकान के स्वीकृति मिलीस अऊ अब ओला प्रधानमंत्री आवास योजना ले खुद के पक्का घर मिल गे हे। पक्का घर पाके ओ अड़बड़ खुस हे। वो ह जुन्ना दिन के कठिनाइ मन ल सुरता करत बताइस के पहिली कच्चा मकान म रहइ अड़बड़ तकलीफदायक रहिस। मौसम के मुताबिक कई ठन परेशानी के सामना करना परत रहिस, कभू छत चूहय त कभू ठंड ले रात भर नींद पूरा नइ होत रहिस। अब पक्का मकान मिले ले उंखर ये समस्या मन दूर हो गे हे। वो ह बताइस के महतारी वंदन योजना के तहत् हर महीना 1 हजार रुपिया घलोक मिलत हे। श्रीमती आशा ह जनकल्याणकारी योजना मन के क्रियान्वयन अऊ लाभ पहुंचाए बर देश के यशस्वी प्रधानमंत्री श्री नरेन्द्र मोदी अऊ प्रदेश के मुख्यमंत्री श्री विष्णु देव साय के आभार व्यक्त करे हे।