पीएम किसान सम्मान निधि: छत्तीसगढ़ के 24.17 लाख किसान मन ल मिलही 494 करोड़ के राशि

प्रधानमंत्री श्री नरेन्द्र मोदी देशभर के किसान मन ल जारी करही पीएम किसान सम्मान निधि के 21वीं किश्त
पीएम सम्मान निधि के राज्य स्तरीय समारोह धमतरी म आज
रायपुर, प्रधानमंत्री किसान सम्मान निधि योजनान्तर्गत प्रदेश के किसान मन ल एक अऊ बड़का सौगात मिलइया हे। प्रधानमंत्री श्री नरेन्द्र मोदी आज ल देशभर के किसान मन ल पीएम सम्मान निधि योजना के 21 वीं किश्त के राशि ऑनलाईन जारी करही। ए योजना के तहत छत्तीसगढ़ के 24 लाख 17 हजार 640 किसान मन ल ऊंखर बैंक खाता म 494 करोड़ रूपिया ले जादा के राशि अंतरित करे जाही।
पीएम किसान सम्मान निधि के राज्यस्तरीय समारोह के आयोजन धमतरी म आज करे गीस जात हे। ए समारोह म केन्द्रीय कृषि मंत्री श्री शिवराज सिंह चौहान अऊ मुख्यमंत्री श्री विष्णुदेव साय सामिल होही। ये कार्यक्रम धमतरी के डॉ.शोभाराम देवांगन शासकीय स्कूल परिसर म 12.30 बजे ले आयोजित करे जाही।
केंद्रीय कृषि मंत्री श्री शिवराज सिंह चौहान राज्य म प्रधानमंत्री ग्राम सड़क योजनान्तर्गत 100 ले जादा आबादी वाले 780 बसाहट मन ल जोड़े बर प्रधानमंत्री ग्रामीण सड़क योजना 4-क के तहत 2242 करोड़ रूपिया ले जादा लागत के लगभग 2442 किलोमीटर लंबा 774 सड़क मन के निर्माण काम के शिलान्यास अऊ राष्ट्रीय ग्रामीण आजीविका मिशन (बिहान) योजना के अंतर्गत 17,357 स्वसहायता समूह मन ल चक्रीय निधि, सामुदायिक निवेश निधि, बैंक क्रेडिट लिंकेज निधि के 286 करोड़ रूपिया बांटहीं।
केंद्रीय मंत्री श्री चौहान वॉटरशेड कार्यक्रम के अंतर्गत आयोजित प्रदेश स्तरीय वॉटरशेड महोत्सव के घलोक शुभारंभ करही। संगे-संग ओ मन कई ठन काम मन के लोकार्पण-भूमिपूजन अऊ कई ठन क्षेत्र मन म उत्कृष्ट काम करइया हितग्राही मन ल सम्मानित घलोक करहीं।