प्रधानमत्री किसान सम्मान निधि ले मजबूत होत हे किसान मन के आर्थिक हालत

कोरबा, सरकार के किसान हितैषी योजना मन जिला के किसान मन बर एक बड़का सहारा साबित होत हे। प्रधानमत्री किसान सम्मान निधि योजना के माध्यम ले किसान मन ला मिलइया नियमित आर्थिक मदद ह उंखर खेती-किसानी के काम ला मजबूती देवत हे। कोरबा जिला के ग्राम रिसदा के रहइया किसान श्री गोवर्धन सिंह एखर एक सुघ्घर उदाहरण हें।
श्री गोवर्धन सिंह ह कइ बछर ले खेती-किसानी करत हें। ओखर करा लगभग चार एकड़ खेती के जमीन हे, जेमा ओमन मुख्य रूप ले धान के फसल लेथें। कम साधन होय के बाद घलो ओमन सरलग मिहनत करके अपन रोजी-रोटी ला मजबूत बनावत हें। श्री सिंह ह प्रधानमत्री किसान सम्मान निधि योजना के हितग्राही हें। ओमन बताइन के योजना के तहत मिलइया पइसा ह सीधा ओखर बैंक खाता म बखत म जमा हो जाथे। ओमन ला हर बछर तीन किस्ती म दू-दू हजार रुपिया के आर्थिक मदद मिलथे। ए पइसा ह बीजा, खाद अउ खेती के दूसर जरूरत मन ला पूरा करे म बहुत सहायक साबित होथे। ओमन बताइन के बखत म आर्थिक मदद मिले ले ओमन ला साहूकार मन ले या दूसर मन ले करजा लेहे के जरूरत नइ परय अउ ओमन अब गरब के संग खेती के काम ला कर पावत हें। श्री सिंह ह प्रधानमत्री श्री नरेंद्र मोदी के धनवाद करत कहिन के प्रधानमत्री किसान सम्मान निधि योजना ह किसान मन बर बहुत जादा लाभकारी साबित होत हे।