रायपुर, मुख्य सचिव श्री आर.पी. मण्डल के अध्यक्षता म महिला अउ बाल विकास विभाग कोति ले संचालित प्रधानमंत्री मातृ वंदना योजना के क्रियान्वयन बर गठित राज्य स्तरीय समिति के पहली बैठक आज इहां मंत्रालय महानदी भवन म होइस। बैठक म दूसर संतान के समय घलोक ये योजना के लाभ देहे बर राशि के उपलब्धता के संबंध म चर्चा होइस। भारत सरकार कोति ले संचालित प्रधानमंत्री मातृ वंदना योजना के तहत पहिली संतान के जन्म के समय पांच हजार रूपिया के राशि तीन किश्त म गर्भवती महिला मन ल देहे जाय के प्रावधान हे। छत्तीसगढ़ राज्य म ये योजना के लाभ दूसर संतान के जन्म के समय घलोक देहे बर कई ठन विभाग मन कोति ले गर्भवती महिला मन बर संचालित करे जात योजना अऊ राज्य खनिज विकास निधि के उपयोग के संभावना मन उपर बैठक म विस्तार ले चर्चा करे गीस।
बैठक म अपर मुख्य सचिव वित्त श्री अमिताभ जैन, प्रमुख सचिव पंचायत अउ ग्रामीण विकास श्री सुब्रत साहू, सचिव राजस्व श्री सुबोध सिंह, सचिव महिला अउर बाल विकास श्री सिद्धार्थ कोमल परदेशी, सचिव खाद्य डॉ. कमलप्रीत सिंह, सचिव स्वास्थ्य श्रीमती निहारिका बारिक उपस्थित रहिन।