प्रधानमंत्री मोदी 1 नवंबर के छत्तीसगढ़ दौरा म, रजत महोत्सव म करहीं 14,260 करोड़ के परियोजना मन के शुभारंभ

रायपुर, प्रधानमंत्री श्री नरेन्द्र मोदी 1 नवंबर के छत्तीसगढ़ राज्य के गठन के 25 साल पूरा होए के उपलक्ष्य म आयोजित छत्तीसगढ़ रजत महोत्सव म सामिल होहीं। ए बेरा म ओ मन 14,260 करोड़ रूपिया ले जादा के विकास परियोजना मन के उद्घाटन अऊ शिलान्यास करही। प्रधानमंत्री नवा रायपुर म नवा विधानसभा भवन के उद्घाटन करहीं अऊ भारत रत्न प्रथम प्रधानमंत्री श्री अटल बिहारी वाजपेयी के प्रतिमा के अनावरण करही। ओ मन श्री सत्य साईं संजीवनी अस्पताल म “दिल के बात” कार्यक्रम के तहत जन्मजात हृदय रोग ले स्वस्थ होए लइका मन ले गोठ-बात तको करहीं।
प्रधानमंत्री शहीद वीर नारायण सिंह स्मारक अऊ जनजातीय स्वतंत्रता सेनानी संग्रहालय के उद्घाटन करहीं अऊ “आदि शौर्य” ई-बुक अउ संग्रहालय पोर्टल घलोक लॉन्च करहीं। ओ मन रन फॉर यूनिटी जइसे कार्यक्रम मन म घलोक सामिल होहीं।
छत्तीसगढ़ खातिर प्रधानमंत्री ग्रीनफील्ड हाईवे, बस्तर क्षेत्र म राष्ट्रीय राजमार्ग मन के उन्नयन, अऊ ग्रामीण आजीविका बर 12 नवा स्टार्टअप ग्राम उद्यमिता ब्लॉक मन के आधारशिला रखहीं। ऊर्जा क्षेत्र म ओ मन 3,750 करोड़ रूपिया के परियोजना मन के उद्घाटन करहीं, जेखर से बिजली आपूर्ति अऊ ट्रांसमिशन क्षमता बाढ़ही। एखर अलावा प्रधानमंत्री रायपुर म एचपीसीएल तेल डिपो, नागपुर-झारसुगुड़ा गैस पाइपलाइन, स्मार्ट औद्योगिक क्षेत्र मन, फार्मा पार्क अऊ पांच नवा मेडिकल कॉलेजों के घलोक नींव रखहीं।
उंखर ये दौरा छत्तीसगढ़ के विकास यात्रा म एक ऐतिहासिक अध्याय जोड़ही अऊ राज्य ल नवा ऊर्जा अउ गति देही।