बिजली उपभोक्ता ले बनिस बिजली निर्माता- राजकमल मिश्रा

स्वच्छ अऊ वैकल्पिक ऊर्जा के स्रोत पीएम सुरुज घर-मुफ्त बिजली योजना
अम्बिकापुर, सौर ऊर्जा अब न सिरिफ पर्यावरण संरक्षण के साधन हे, बल्कि मनखे मन ल आर्थिक रूप ले आत्मनिर्भर बनाए के जरिया घलोक बनत हे। ए योजना ले स्वच्छ अऊ वैकल्पिक ऊर्जा के लाभ मनखे मन ल मिलत हे। कुछ बछर म ये संयंत्र मुफ्त बिजली के साधन बन जाही, काबर के बिजली बिल के बचत के संगे-संग अकतहा बिजली ले आय घलोक होही। राजकमल मिश्रा ह प्रसन्नता जाहिर करत कहिस के हम पहिली बिजली उपभोक्ता रहेन, फेर पीएम सुरुज घर-मुफ्त बिजली योजना ले बिजली बनइया बन गे हन।
प्रधानमंत्री सूर्य घर-मुफ्त बिजली योजना के अंतर्गत अम्बिकापुर के गणेश दादा गली के रहवईया राजकमल मिश्रा ह अपन घर म 5 किलोवाट क्षमता के ऑन-ग्रिड सोलर पैनल स्थापित करवाए हे। ये संयंत्र ले सीधा बिजली के उत्पादन होके घर के खपत पूरा होवत हे। राजकमल मिश्रा ह बताइस के सौर पैनल ले जतका बिजली बनत हे, वो पहिली घर में उपयोग होत हे अउ खपत ले बांचे बिजली राज्य विद्युत निगम ल चले जात हे। कहूं उत्पादन ज्यादा अउ उपयोग कम हे, त मासिक बिजली बिल शून्य हो जही।