पीएम सूर्य घर योजना ले सरगुजा मां बाढि़स ऊर्जा आत्मनिर्भरता, बिजली बिल होइस शून्य

CHHATTISGARHI NEWS: अम्बिकापुर, प्रधानमंत्री सूर्य घर-मुफ्त बिजली योजना ले सरगुजा जिला मां स्वच्छ ऊर्जा ल बढ़ावा मिले के संग आम लोगन ल बिजली बिल ले राहत मिलत हे। अंबिकापुर के मायापुर के रहइया श्रीमती निधि वर्मा ल ए योजना ले केंद्र अउ राज्य सरकार ले कुल 1.08 लाख रुपिया (78 हजार केंद्र अउ 30 हजार राज्य) के डबल सब्सिडी मिलीस। एखर ले ओखर घर मां रूफटॉप सोलर संयंत्र लगिस, जेखर से ओखर 4 ले 5 हजार रुपिया के आवत महिना के बिजली बिल अब शून्य हो गे हे। निधि वर्मा के कहना हे के पहली ओ बिजली उपभोक्ता रहिस, फेर अब ऊर्जादाता बन चुके हे।
विद्युत विभाग के अनुसार अंबिकापुर शहर मां 1,000 सोलर संयंत्र के लक्ष्य के मुकाबला 2,021 आवेदन मिले हे, जेमां ले 1,136 घर मां सोलर संयंत्र लग चुके हे। उन्हे ग्रामीण क्षेत्र मां घलो 1,000 के लक्ष्य के मुकाबला 1,282 आवेदन मिले हे अउ 305 घर मां संयंत्र स्थापित हो चुके हे। निधि वर्मा ह ए योजना बर प्रधानमंत्री श्री नरेन्द्र मोदी अउ मुख्यमंत्री श्री विष्णु देव साय के आभार जतावत लोगन ल सोलर ऊर्जा अपनाए के अपील करिन।