पीएम सुरुज घर योजना ले ओमप्रकाश उपाध्याय ल बिजली बिल ले मिलीस आज़ादी

बिजली खर्च होय शून्य अब हर महीना मिलत हे क्रेडिट के लाभ
सूरजपुर, केन्द्र सरकार के ‘पीएम सूर्य घर मुफ्त बिजली योजना’ ले अब आम मनखे अपन घर म बिजली बनाके न केवल बिजली बिल ले मुक्ति पावत हें, बल्कि हर महीना बिजली विभाग ले अकतहा यूनिट के बनदा लाभ घलोक कमावत हें। प्रधानमंत्री सूर्य घर योजना ले आम परिवार बिजली म आत्मनिर्भर बनत हें अऊ हर महीना के बचत ले आर्थिक रूप ले घलोक सशक्त होवत हें। इही कड़ी म सूरजपुर जिला के सतपता, विश्रामपुर निवासी ओमप्रकाश उपाध्याय घलोक लाभान्वित होए हे। वो ह ए योजना के लाभ उठात अपन घर के छत म 3 किलोवॉट के सोलर रूफटॉप सिसटम लगाए हे। उपाध्याय ह 7 मार्च 2025 के योजना बर ऑनलाइन आवेदन करे रहिस, जेखर बाद डिस्कॉम ले पंजीकृत वेंडर ह ओखर घर सोलर सिसटम स्थापित करिस।
ओमप्रकाश उपाध्याय ह बताइस के वोखर घर म रोज़ाना करीब 12 ले 13 यूनिट बिजली के खपत होथे, जबकि ओखर सोलर सिसटम रोजाना 17 ले 19 यूनिट बिजली उत्पन्न करथे। एखर से ऊंखर घर के बिजली बिल अब शून्य हो गए हे, बल्कि अब तो बिल माइनस म आवत हे यानी हर महीना ओ ल क्रेडिट यूनिट के लाभ घलोक मिलत हे।
वोकर कहना हे के ये योजना आम मनखे मन बर बहुतेच लाभकारी अऊ उपयोगी हे। एखर से न सिरिफ बिजली के बचत होथे, बल्कि पर्यावरण के सुरक्षा म घलोक मदद मिलथे। वो ह सबो नागरिक मन ले अपील करे हें के ओ मन घलोक ए योजना ले जुड़ंय अऊ अपन बिजली बिल ले छुटकारा पावंय।