पीएम सुरुज घर योजना ले बदलत हे ज़िंदगी: शिशिर के बिजली के बिल होइस शून्य

कोण्डागांव, ऊर्जा बचत अऊ हरित पर्यावरण के दिशा म केन्द्र अऊ राज्य शासन के महत्वाकांक्षी प्रधानमंत्री सुरुज घर योजना अब ग्रामीण अऊ शहरी दुनों क्षेत्र मन म मनखे मन के ज़िंदगी बदलत हे। ए योजना के एक प्रेरणादायक उदाहरण कोण्डागांव नगर के सरंगीपाल पारा के रहवइया शिशिर श्रीवास्तव हे, जे ह अपन छत म 3 किलोवाट क्षमता के सोलर रूफटॉप पैनल लगाके बिजली बिल ले पूरा मुक्ति पा लेहे हे।
श्रीवास्तव बतात हे के ओ ल ए योजना के जानकारी स्थानीय बिजली विभाग ले मिलीस। योजना के बारे म विस्तार ले समझे के बाद वो ह आवेदन के प्रक्रिया पूरा करिस अऊ बैंक ऑफ बड़ौदा ले लोन पास कराइस। एखर संगेच शासन कोति ले मिलइया 78 हजार के सब्सिडी के घलोक लाभ ओ ल मिलिस। 
3 किलोवाट के क्षमता वाले ए सोलर पैनल ले श्रीवास्तव के घर के पूरा बिजली जरूरत पूरा होवत हे। पहिली ओ ल हर महीना औसतन 2 हजार 5 सौ ले 3 हजार रूपिया के बिजली बिल चुकाना परत रहिस, गर्मी के दिन म बिजली बिल 4 हजार तक बाढ़ जात रहिस, फेर अब ओखर बिल शून्य हो गए हे।