पीएम सूर्यघर योजना ले बिजली बिल होइस जीरो, भदौरा के शुभम राठौर बनिन सौर ऊर्जा म आत्मनिर्भर

गौरेला, गौरेला विकासखंड के ग्राम पंचायत भदौरा निवासी श्री शुभम राठौर ह ‘पीएम सूर्यघर मुफ्त बिजली योजना’ के लाभ उठावत अपन छत म 3 किलोवाट क्षमता के सोलर प्लांट लगाए हे। एखर ले वोखर हर महीना अवइया 400 ले 500 रुपिया के बिजली बिल अब लगभग शून्य हो गे हे।
योजना के तहत शुभम ल केंद्र सरकार कोति ले 78 हजार रुपिया अउ राज्‍य सरकार कोति ले 30 हजार रुपिया के उपरहा सब्सिडी सीधा बैंक खाता म मिले हे। छत म बने बिजली के घर म उपयोग होथे अउ बांचे बिजली ग्रिड म चल देथे, जेकर ले आर्थिक लाभ घलो मिलत हे। सौर ऊर्जा अपनाके शुभम के परिवार ह ऊर्जा के क्षेत्र म आत्मनिर्भरता अउ पर्यावरण संरक्षण के बढ़िया मिसाल पेस करे हे।