प्रधानमंत्री सूर्यघर मुफ्त बिजली योजना ह आम मनखे मन के जिनगी मा अंजोर लावत हे। राजनांदगांव के मनोज साहू अब अपन घर के छत मा सौर ऊर्जा ले बिजली बनावत हें, जेखर ले ओखर बिजली बिल कम होगे हे अउ ओ ह आर्थिक रूप ले मजबूत होत हे।
राजनांदगांव, जिला मा ‘प्रधानमंत्री सूर्यघर मुफत बिजली योजना’ के नीक संचालन ले मनखे मन ला सफा, सउत अउ सरलग बिजली के लाभ मिलत हे। ये योजना के तहत केंद्र अउ राज्य सरकार डहार ले मनखे मन ला जादा ले जादा 1 लाख 8 हजार रूपिया तक के सब्सिडी (छूट) इेहे जात हे, जेखर ले सोलर रूफटॉप लगवाना आम नागरिक मन बर असान अउ सस्ता होगे हे।
सोलर रूफटॉप ले आत्मनिर्भर बनिस परिवार
राजनांदगांव जिला के ग्राम खैरा के रहइया श्री मनोज साहू ह अपन घर के छत मा 3 किलोवॉट के रूफटॉप सोलर पैनल लगवाए हे। सोलर पैनल लगे के बाद ओखर घर अब प्राकृतिक ऊर्जा ले जगमगावत हे अउ पारंपरिक बिजली ऊपर ओखर निर्भरता कम होगे हे।
बिजली बिल मा कमी ले होत हे आर्थिक बचत
श्री मनोज साहू ह बताइन के सोलर पैनल लगाय के बाद ओखर बिजली बिल मा भारी कमी आए हे, जेखर ले हर महीना पइसा के बचत होत हे। ओमन कहिन के ये योजना न केवल पर्यावरण ला बचाय मा मददगार हे, बल्कि आम परिवार मन बर आर्थिक रूप ले घलो बहुते फायदाजनक साबित होत हे।
पर्यावरण बचाए बर एक सुग्घर कोसिस
श्री साहू ह कहिन के आघू के बखत मा प्राकृतिक संसाधन अउ खनिज मन के कमी ला देखत प्रधानमंत्री सूर्यघर मुफत बिजली योजना ह बहुते उपयोगी अउ दूरगामी सोच के योजना आय। ये योजना ह हरियर अउ सफा ऊर्जा ला बढ़ावा दे के संग-संग नागरिक मन ला बिजली के मामला मा आत्मनिर्भर बनावत हे।
योजना ले बाढ़िस स्वच्छ ऊर्जा के उपयोग
प्रधानमंत्री सूर्यघर मुफत बिजली योजना के जरिया जिला मा जादा ले जादा मनखे मन सोलर ऊर्जा ला अपनाय बर उत्साहित होत हें, जेखर ले पर्यावरण के सुरक्षा के संगे-संग विकास के डहार मा एक बड़े कदम बढ़ाय जावत हे।