पीएम सूर्यघर मुफ्त बिजली योजना: प्रदीप पटेल के छत म हर महीना बनत हे 350 ले 400 यूनिट बिजली

बिजली बिल घलोक घटके एक तिहाई ले घलोक कम होगे
रायपुर, छत्तीसगढ़ म पीएम सूर्यघर मुफ्त बिजली योजना ले समान्य नागरिक घलोक अब बिजली उत्पादक बनत जात हे। अपन घर मन के छत म सोलर पैनल लगाके पावर प्लांट लगाय ले मनखे मन के बिजली के समस्या के समाधान तो होतेच हे, संगेच उपयोग के बाद बचे बिजली ल बेचके ओ ल अच्छा-खासा फायदा घलोक होवत हे। रायगढ़ के सावित्री नगर म रहइया प्रदीप पटेल घलोक अइसनहेच एक बिजली उत्पादक बन गये हे। प्रदीप पटेल ह अपन घर म 3 किलोवॉट के सौर पैनल स्थापित करके बिजली बिल ले राहत पाय हे। ये पैनल सूर्यघर मुफ्त बिजली योजना के अंतर्गत लगाए गए हे। ये मां ओ ल केंद्र सरकार ले 78,000 रुपिया अऊ राज्य सरकार ले 30,000 रुपिया ल मिलाके कुल एक लाख आठ हजार रूपिया के सब्सिडी मिले हे।
आवेदन करे सिरिफ 10 दिन के भीतर ही सब्सिडी के राशि वोखर खाता म जमा हो गे। पटेल के इहां हर महिना 350-400 यूनिट बिजली के उत्पादन होवत हे। ओखर औसत मासिक खपत 500 यूनिट हे, जेखर से ओ ल केवल 100-150 यूनिट के ही बिल चुकाना परत हे। वो ह योजना के सराहना करत आन नागरिक मन ले घलोक एकर लाभ उठाए के अपील करे हे अऊ शासन-प्रशासन ल धन्यवाद देहे हे।