पीएम सूर्यघर मुफ्त बिजली योजना: महंगा बिजली बिल के चिंता खतम

प्रभुदयाल ह छत म लगवाइस 3 किलोवाट के सोलर संयंत्र
सक्ति, पीएम सुरुज घर-मुफ्त बिजली योजना आम नागरिक मन बर एक प्रभावी अऊ लाभकारी योजना साबित होवत हे। ए योजना के माध्यम ले राज्य के नागरिक मन ल सस्ता अऊ सरलग बिजली मिलत हे, संगेच मनखे बिजली के मामला म आत्मनिर्भरता कोति अग्रसर होवत हें। योजना के उद्देश्य नवीकरणीय ऊर्जा स्रोत मन ल प्रोत्साहित करत घर के छत म सौर ऊर्जा संयंत्र स्थापित कराना हे, जेखर से उपभोक्ता मन ल आर्थिक लाभ के संगे-संग पर्यावरण संरक्षण म घलोक अपन भागीदारी ठउका होवत हे। सक्ति जिला के ग्राम दतौद रहवइया श्री प्रभुदयाल चंद्रा ह अपन घर के छत म 3 किलोवाट क्षमता के सोलर रूफटॉप पैनल स्थापित कराए हे। योजना के अंतर्गत केंद्र सरकार कोति ले श्री चंद्रा ल 78 हजार रूपिया के अनुदान राशि सीधा ऊंखर बैंक खाता म डार देहे गए हे। ए समन्वित सहयोग ले नागरिक मन म वित्तीय भार म उल्लेखनीय कमी आए हे अऊ सौर ऊर्जा ल अपनाए बर प्रोत्साहन मिले हे। श्री चंद्रा ह अपन अनुभव साझा करत कहिस के सौर ऊर्जा के माध्यम ओखर बिजली के बचत होवत हे संगेच योजना हर परिवार ल ऊर्जा के क्षेत्र म आत्मनिर्भर बनावत हे।