आत्मनिर्भरता के मिसाल बनिस प्रधानमंत्री सूर्यघर मुफ्त बिजली योजना

घर के बिजली बिल होइस शून्य-दिलीप गोयल
गौरेला-पेंड्रा-मरवाही, प्रधानमंत्री सूर्यघर मुफ्त बिजली योजना आम जनता बर बिजली के मामला म आत्मनिर्भरता के दिशा म एक क्रांतिकारी कदम बनत जात हे। ए योजना के तहत सरकार के सब्सिडी ले आम मनखे अब अपन घर के छत म सोलर पैनल लगाके मुफ्त बिजली पावत हें, संगेच अकतहा बिजली उत्पादन करके आय के स्रोत घलोक बनावत हें। गौरेला रहवइया श्री गोयल ह योजना बर केंद्र अऊ राज्य सरकार के आभार जतात कहिन के ये पहल आर्थिक रूप ले लाभकारी हे संगेच पर्यावरण संरक्षण के दिशा म घलोक अहम भूमिका निभावत हे। उमन आम नागरिक मन ले अपील करिन के ओ मन घलोक ए योजना ले जुड़के बिजली बर आत्मनिर्भर बनिन अऊ हरित ऊर्जा ल बढ़ावा देवत हें।
गौरेला-पेंड्रा-मरवाही जिला के गौरेला नगर के अग्रसेन चौक के रहवइया श्री दिलीप कुमार गोयल ह प्रधानमंत्री सूर्यघर मुफ्त बिजली योजना के तहत अपन घर के छत म 5 किलोवाट के क्षमता के रूफटॉप सोलर पैनल स्थापित कराए हे। श्री गोयल बताथे के पहिली वोखर घर म बिजली के खपत जादा होए के सेती बिल घलोक जादा आवत रहिस, फेर योजना के जानकारी मिलतेच वो ह एकर लाभ उठाए के निर्णय लीस। ए योजना के तहत ओ ल केंद्र सरकार ले 78 हजार रूपिया अऊ राज्य सरकार ले 30 हजार रूपिया तक के सब्सिडी मिलीस। अब सोलर पैनल ले होवत बिजली उत्पादन के बदौलत ओखर बिजली बिल पूरा शून्य हो गए हे। अतकेच न ही, ओ अब अकतहा बिजली के उत्पादन करके ओला ग्रिड म घलोक भेजत हे, जेखर से ओ ल आर्थिक लाभ घलोक मिलत हे।