पीएम सूर्यघर मुफ्त बिजली योजना ले उपभोक्ता मनल राहत अऊ ऊर्जा संरक्षण ल बढ़ावा

जांजगीर, प्रधानमंत्री सूर्यघर मुफ्त बिजली योजना ह आम उपभोक्ता मन के जीवन म सकारात्मक बदलाव लाना शुरू कर देहे हे। ये योजना ऊर्जा संरक्षण ल बढ़ावा देवत हे, संगेच उपभोक्ता मनल आर्थिक रूप ले घलोक बड़ राहत देवत हे।
जांजगीर के हसदेव विहार कॉलोनी म रहइया श्रीमती पूर्णिमा साहू एकर जीता-जागता उदाहरण हे। कभू ओ हर महीना अवइया भारी-भरकम बिजली बिल ले परेशान रहत रहिस। घर के खरचा चलात समय बिजली के बिल हमेशा वोखर बर चिंता के विसय बने रहय, फेर आज वोखर स्थिति पूरा बदल गए हे।
प्रधानमंत्री सूर्यघर मुफ्त बिजली योजना के तहत वो ह अपन घर के छत म सौर पैनल स्थापित कराए हे। एखर बाद ले ओखर बिजली बिल पूरा शून्य हो गए हे। अब सूरज के रोशनी वोखर घर के हर कोना तक मुफ्त बिजली पहुंचात हे, संगेच ओ ल आत्मनिर्भर घलोक बनावत हे।
खुशी जाहिर करत श्रीमती साहू कहत हे, अब हमला बिजली बिल चुकाए के कोनो चिंता नइ रहय। ये योजना हमार जीवन बर बहुत बड़ राहत हे। वो ह प्रधानमंत्री श्री नरेंद्र मोदी अऊ मुख्यमंत्री श्री विष्णु देव साय के प्रति आभार व्यक्त करत कहिस के ए योजना ह सही म आमजनता के जीवन ल रोशन करे के काम करे हे।