पीएम सूर्यघर मुफ्त बिजली योजना: सोलर पैनल स्थापना ल लेके मनखे मन म उत्साह

बलौदाबाजार-भाटापारा, प्रधानमंत्री सूर्यघर मुफ्त बिजली योजना ग्रामीण अंचल मन म ऊर्जा आत्मनिर्भरता के दिशा म नवा रद्दा प्रशस्त करत हे। ए योजना के अंतर्गत शहरी अऊ ग्रामीण घरेलू उपभोक्ता अपन घर के छत म सौर ऊर्जा आधारित रूफटॉप सोलर पैनल स्थापित करत हें अऊ एकर लाभ उत्साहपूर्वक प्राप्त करत हें।
बलौदाबाजार-भाटापारा जिला के ग्राम अर्जुनी के रहवइया जावेंद्र कुमार सोनी ह अपन मकान के छत म 3 किलोवाट क्षमता के सोलर सिसटम स्थापित कराए हे। सोनी ह बताइस के ओ ल ए योजना के जानकारी जिला प्रशासन के सोशल मीडिया प्लेटफॉर्म ले मिलीस। तेखर पाछू वो ह विद्युत विभाग ले संपर्क करके सम्पूर्ण प्रक्रिया पूरा करिस अऊ शासन कोति ले निरधारित सब्सिडी के लाभ उठाइ। अब वोखर घर के बिजली बिल शून्य हो गए हे अऊ ओ ऊर्जा आत्मनिर्भरता के दिशा म एक कदम आगू बढ़े हे।
सोनी ह अपन अनुभव साझा करत कहिस के प्रधानमंत्री सूर्यघर मुफ्त बिजली योजना आमजनता खातिर सही म वरदान हे। ए योजना ले हमला मुफ्त बिजली के लाभ तो मिलतेच हे, संगेच पर्यावरण संरक्षण म घलोक योगदान देहे के अवसर मिल हे। उमन प्रधानमंत्री श्री नरेन्द्र मोदी अऊ मुख्यमंत्री श्री विष्णु देव साय के प्रति आभार व्यक्त करत आन उपभोक्ता मन ले घलोक ए योजना ले जुड़े के अपील करिस।